Martes. 19.10.2021
El tiempo

“A Xunta paraliza a ampliación da Rede Natura para favorecer a ubicación irregular de eólicos como os de Monte Chan”

Anova tamén denuncia o PE Monte Chan pola afectación aos Penedos de Traba e Pasarela
Alberto Lema e Antons Sanchez con Carlos Penedo na Ferida dos Penedos
Alberto Lema e Antón Sánchez, con Carlos Penedo, na Ferida dos Penedos
“A Xunta paraliza a ampliación da Rede Natura para favorecer a ubicación irregular de eólicos como os de Monte Chan”

Nova denuncia contra o Parque Eólico Monte Chan polo seu impacto directo nos Penedos de Traba e Pasarela. Desta volta é o grupo Anova o que pide a Xunta que paralice a tramitación do Parque, e denuncia a “práctica fraudulenta de permitir a ubicación deste tipo de proxectos na contorna da Rede Natura”.

Afirman que a zona dos Penedos debería estar nunha “proposta de ampliación da Rede Natura dende 2011, unha ampliación paralizada precisamente para favorecer a ubicación irregular de eólicos nestas zonas que deberían contar cun grao máximo de protección”, declarou Antón Sánchez, voceiro de Anova.

Nese sentido lembra que hai unha sentenza previa, que anulou a autorización ambiental do parque eólico do Oribio, nunha situación semellante.

"A paisaxe, así coma os valores culturais, ambientais e científicos dos Penedos de Pasarela e Traba son piares fundamentais para un futuro sostible da Costa da Morte, onde o turismo respectuoso co medio tamén supón unha oportunidade de presente e de futuro se a preservación do territorio é axeitada", explican. E "así consta, por exemplo, no PXOM do Concello de Laxe, que aposta por un turismo baseado nos seus valores naturais e culturais".

Lembran que falamos dun total de nove aeroxeradores de 200 metros de altura en punta, que se situarán a escasa distancia das zonas protexidas ZEC Costa da Morte e ZEPA Costa da Morte Norte. E recordan que “o propio proxecto recoñece o impacto negativo que o parque eólico suporía para a actividad turistica”.

Novas sobre Os Penedos

comentarios