Case un ano despois do accidente do Silvosa, semella que os Orzamentos 2020 finalmente si inclúen unha partida de 800.000 en dous anos, para a mellora da seguridade do porto de Malpica, en resposta aos eternos problemas para entrar no porto. Pero dende o pósito aseguran que “aínda estamos esperando unha comunicación máis formal, porque parece ser que aínda está en trámites parlamentarios”.

Por agora, a Xunta instalou un radar para estudar as correntes, como paso previo á redacción do proxecto. Mentres, as embarcacións seguen derrapando e xogándose a vida para entrar a porto.

Son varios os problemas que afronta o porto malpicán, que esperan vaian incluídas neste proxecto de 2020, e que, se cadra, se solucionarían coa dársena seca coa que soña o seu alcalde, Walter Pardo.

Reparacón da lonxa

A Confraría tamén solicitou a Portos de Galicia a reparación da Lonxa, xa que ten bastantes fendas na estructura e mesmo chove dentro, igual que acontece na de Camariñas e que demostra a falta de mantemento destas infaestruturas. Esas obras axudarían a montar as oficinas abaixo da Confraría e centralizar todo, aproveitando a remodelación da estrutura da empresa.

Aparte dunhas grúas para montar no porto para axudar a descargar ós barcos con mal tempo

Aparcamento

Dende o pósito consideran necesario afrontar a ampliación do porto, pois o aparcamento en verán é un verdadeiro quebdradeiro de cabeza para o sector. A afluencia de visitantes provoca que queden casetas atrancadas, que os barcos teñan que descargar coas caixas por encima dos coches, etc…

Fábrica de xeo

A Confraría tamén ten solicitado o traspaso dunha liña de alta tensión para a fábrica nova de xeo, xa que teñen todo montado pero como non hai potencia suficiente, non poden tela en marcha.

A grúa de Barizo

A pesar de ser unha grúa de xestión dun club náutico, dende o pósito tamén apretan, pois vai un ano dende que solicitaron a súa substitución, pois entenden que é necesaria para os pescadores e podan ir ó mar.

As grúas de Corme e de Laxe xa foron subtituídas.

• Outubro 19: Un radar, primeira medida da Xunta para revisar a seguridade do porto.
• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 19: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.