Impresionante o que fai Camiño dos Faros. Non fai falta máis que botar un ollo ao facebook de Traski e comprobar a gratitude que lle renden os centos de @trasn@s, pero tamén as ducias de establecimentos que están aproveitando o tirón desta fermosa iniciativa civil, que nace para poñer en valor o noso litoral.

Este domingo 31 de agosto arrincaba a 4ª edición do Camiño dos Faros. Unha 4ª edición que nace para afianzar este recurso turístico incomparable, facendo un traballo moito máis efectvo que o quue leva facendo durante anos calquera das entidades supramunicipais con millóns de euros de fondos europeos.

Partía de Malpica a comitiva e chegaba ata Niñóns, Ponteceso, nunha primeira etapa na que participaron 483 persoas que batiron a mellor marca, en tempo, que non en número. Moitos comentaron que o ritmo foi trepidante, pero en todo caso, se ben foi máis rápida que nas edicións anteriores, deu tempo para disfrutala e mesmo para darse algún que outro baño.

O tempo foi espectacular, cun solazo sempre presente pero cunha brisa mariña que facía a camiñada moito máis levadeira. Un sol que simboliza o cumio para valorar a etapa cun redondo 10. Ademais, a Asocación fixo 83 socios novos, o que permite soñar cun futuro aínda máis real a este camiño.

Tivo a xornada escenas emotivas, como cada andaina. Esta protagonizouna Ramón, un dos membros da organización. I é que como conta María García, no "último tramo despois do faro, unha señora apenas podía continuar por esas pendentes tan escarpadas, e o bo de Ramón foi axudándoa todo o camiño, suxeitándoa, tirando dela ata nalgún momento colléndoa en peso. Fascínome como a axudou e a súa entrega". Grande Ramón, un trasno con todas as letras.

Polo bando contrario, houbo tamén algunha que outra queixa pola falta de implicación dos Concellos, e houbo que lamentou que o Concello de Malpica non limpase algúns camiños durante estas últimas semanas. Esperemos que os Concellos se decaten deste tesouro que se lles puxo en bandexa, e non o desaproveiten.

Con previa e todo

Xa na previa do sábado, a noite malpicá foi fantástica. @s trasn@s estiveron coas bravas redeiras de Malpica, con Adrián Abella recuperando vellas historia, e tamén se achegaron á presentación do novo libro de Xurxo Souto, con quen entonaron temas populares a ritmo do seu acorderón.

Houbo tempo para os viños, para os petiscos, e para un concerto da Traskiband que abre unha nvoa edición do Camiño dos Faros, levándonos ata Fisterra, cada 15 días, rematando o vindeiro 6 de decembro.

Calendario da 4ª edición do Camiño dos Faros

As etapas desta cuarta edición faranse os domingos, para que os que traballan os sábados poidan participar. Irémolas facendo cada 15 días para acabar o 6 de Decembro en Fisterra.

• Domingo 14 SEP: Etapa 2: Niñóns-Ponteceso.
• Domingo 28 SEP: Etapa 3: Ponteceso-Laxe.
• Domingo 12 OUT: Etapa 4: Laxe-Arou .
• Domingo 26 OUT: Etapa 5: Arou-Camariñas.
• Domingo 9 NOV: Etapa 6: Camariñas-Muxía.
• Domingo 23 NOV: Etapa 7: Muxía-Nemiña.
• Domingo 6 DEC: Etapa 8: Nemiña-Cabo Fisterra.

Máis información

• Camiño dos Faros no Facebook.
• www.caminodosfaros.com.

Novas relacionadas

• Os trasnos volven ao Camiño dos Faros para afianzar este recurso turístico incomparable.
• 7 heroes completan o Ultratrail Camiño dos Faros.
• Medio millar de camiñantes puideron co tempo.
• Un ano de trasnos.
• A Costa da Morte venera o sendeirismo.
• Sendeirismo con conciencia.
• Nin a chuvia pode cuns trasnos que intentarán facer o Camiño dos Faros en 48 horas.
• As Andainas toman o relevo de Traski para vertebrar a pé a Costa da Morte.
• A divulgación 2.0 dos Camiños do Mar, finalista duns premios europeos sobre patrimonio.
• De Camiño dos Faros cos trasnos milenarios.
• Os trasnos fan Costa da Morte de marca en marca.
• O Camiño dos Faros estrea nova web.
• Traski envía unha carta de unión e eficiencia ao sector turístico da Costa da Morte.
• Os trasnos rompen marcas na terceira edición do Camiño dos Faros.
• Os trasnos crean a Asociación Camiño dos Faros.

O Camiño dos Faros por etapas

• 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
• 7ª etapa do Camiño dos Faros: O Camiño dos Faros non para.
• 6ª etapa do Camiño dos Faros: O Camiño dos Faros faise máis que real.
• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.
• Percorrendo a pé, e con Traski, o Camiño dos Faros da Costa da Morte.

Fonte

• Redacción de QPC ([email protected]).