Xa temos datas para o Concurso Cavernícola de Bandas costeiras. O Pub muradán A Caverna artella esta aposta pola música da zona, facendo unha serie de concertos que serán valorados polo público asistente. O grupo que máis puntuación acade será premiado con 300€.

Fantástica nos parece a iniciativa pois ademais de varios grupos xa míticos da zona, o concurso dá a alternativa a moitos grupos noveis. A canteira do IES Fontexería ou da Escola de Música de Carnota teñen posibilidade de tocar en directo.

O próximo 21 de febreiro arrancan os 9 concertos. Os primeiros artistas que participarán serán os ZEROS, e o concurso rematará co concerto de SOZIOS A LA FUERZA o vindeiro 25 de abril.

Entre medias, e salvando ó sábado de Semana Santa, actuarán as outras sete bandas inscritas neste concurso:

• RE-ACCIÓN, o 28 de febreiro.
• JOHN HAPPY DRIVER, o 7 de marzo.
• FISIÓN BOYS, o 14 de marzo.
• ARCHIVO ADXUNTO, o 21 de marzo.
• METALCRÚ, o 28 de marzo.
• TAN TOTEM, o 11 de abril.
• OS DESTERRADOS, o 18 de abril.

Como entrada ao concerto entregarase unha tarxeta de votación ca que cada asistente poderá votar do 1 ao 10 á banda participante, polo que a elección do grupo gañador dependerá exclusivamente da opinión do público.
Cada tarxeta de votación custará 1€ e a recadación destas tarxetas será destinada á doazón de material para a Sala Nasmo, local de ensaio onde a maioría das bandas participantes acostuman reunirse para preparar os temas dos seus directos e grabar as súas maquetas.

Xa tendes todas as citas debulladas en www.xendacostadamorte.com. Polo de pronto, deixámosvos con Socios a la Fuerza:

Novas relacionadas

• Un Concurso Cavernícola para dinamizar a vida musiqueira da contorna de Muros.
• Nace o Atallo do Muxo para dinamizar a noite de copas en Muros.
• Un par de dilleis nas cavernas de Muros.
• Maestro Romero, un par de músicos muradáns con pouca vergoña e moito sentimento.
• Terbutalina xa están ben peinados.
• Os Trapos Sucios, gañadores do Rock in Río Tea.

Máis novas musiqueiras

• Grand Soul Band, o grupo de Santa Comba que vai camiño do Azkena Rock.
• A banda costeira The Suffering presenta o seu primeiro proxecto musical.
• Escolma de bandas costeiras – A Axenda Sonora da Costa da Morte segue crecendo.
• Serj cántalle á súa Costa da Morte.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.
• Terbutalina saca novo disco cas claves do país: festa, velocidade e empanada.

Fonte

• Redacción de QPC (info@quepasanacosta.gal).