Venres. 20.05.2022
El tiempo

Pesar en Esteiro polo pasamento do Gerente

O Gerente das Carrilanas
O Gerente no Museo das Carrilanas
Pesar en Esteiro polo pasamento do Gerente

Esta edición de 2022 será a primeira da historia sen a súa alma. Ramiro García Núñez, coñecido eternamente como “Gerente”, falecía este mércores 4 de maio aos 91 anos en Esteiro.

Un pasamento que estremece a todo o sur da comarca, pois marcha o eterno fundador das Carrilanas, o meirande carpinteiro desta modalidade e todo un exemplo de esforzo, empatía e amor polo territorio.

Quedará para sempre o seu legado, cedido para a creación dun auténtico museo

Esta foi a carta que a A.D.C. Esteirana de Carrilanas lle enviou esta mañá polas redes sociais:

Aquí, o vídeo de homenaxe que as Carrilanas lle fixeron o pasado 2020:

BIOGRAFÍA RAMIRO GARCÍA NÚÑEZ “GERENTE”

  • Nace o 10 de Maio de 1930.
  • 5 irmáns, 3 homes contando con el e 2 mulleres.
  • Aos 11 anos de idade, comeza a traballar en Cabanas (Tal), fabricando caixas de madeira para as fábricas de Salazón co seu pai. O seu primeiro oficio, aínda que recorda percibir soldo algún. Ademáis, traballa co seu pai, reparando os tellados das casas. Deste xeito coñeceu a súa dona cando esta iba ao seu traballo, viuna dende un Tellado no que estaba a traballar.
  • Casou no ano 1956 con Maruja e tiveron dous fillos Lito e Pepa e dous netos, Luís e Laura, aos cales adicou cadansúa carrilana.
  • No ano 1963 embarca na mariña mercante. Non lle gusta a navegación e desembarca en Holanda. Alí non pode traballar ao carecer de título e emigra aos Estados Unidos aproveitando que alí ten un cuñado. É alí donde prosegue o seu traballo de Ebanista.
  • Retorna a Esteiro no ano 1966
  • Monta en Esteiro unha moblería no local que hoxe é A Casa das Carrilanas. Ademais traballa no seu taller na casa en Reboredo, Esteiro, donde tiña moitos aprendices.
  • Estivo na política como concelleiro en Muros nos últimos anos do franquismo, dende o 1971 ao 1976.
  • Foi presidente de Esteirana no ano 1975 e 1976, en sustitución de Pedro de Rosalía. -Xubilouse no 1995.
  • A día de hoxe, colabora activamente coa ADC Esteirana de Carrilanas
O Gerente na Baixada de Trasouteiro
O Gerente con Paula Vázquez nunha presentación
O Gerente co Bolato nas Carrilanas de 2016
O Gerente, con Juan Gimel e Damián Espasandín nunha entrega de premios de Trasouteiro

Novas relacionadas

comentarios