Venres. 29.03.2024
El tiempo

A Sala Nasmo expón a calidade dos seus bateristas nunha exhibición na Praza do Curro

Sala NasmoDrum
A Sala Nasmo expón a calidade dos seus bateristas nunha exhibición na Praza do Curro

Este sábado 23 de outubro, ás 17:00h, o Curro da Praza de Muros acolle o "Sala Nasmo Drummer´s Day”. Un festival-demostración para amosar o talento da mocidade do Concello, organizado en conxunto por varios colectivos fundamentais na vida social e cultural muradá como son a Sala Nasmo de Muros, en colaboración co Concello de Muros, Carrilanas Esteiro e Escola de Música Municipal de Muros.

Non poucas veces temos falado da importancia da Sala Nasmo na alta porcentaxe de bandas coas que conta Muros. O local de Ensaio serve de inmellorable plataforma para o desenvolvemento de grupos e artistas locais dende hai xa 11 anos. Un traballo dirixido tralo control técnico e coordinación por Juan Figueiras que se ve recompensado coa irrupción no panorama galego e estatal de bandas como ”The Rapants”, "Lisdexia”, "Archivo Adxunto" ou "Sonophobia” que levan o nome do Concello de Muros por todos os lugares nos que actúan.

O evento deste sábado consistirá nunha exhibición de 12 bateristas locais que interpretarán ao unísono 5 temas sobradamente recoñecibles da historia do rock. Ademais, realizarán a apertura do evento 4 alumnos da Escola de Música, outro dos entes fundamentais no fomento da creatividade musical na vila.

”Trátase dun evento singular que xamais se fixera antes na contorna”, explica Figueiras. “Temos varios obxectivos: promover a canteira musical muradá, crear un evento interxeracional no que convivan artistas de diferentes idades e estilos musicais que sirva ademais de encontro para a mocidade que vive ou traballa fóra, e que nos vale para seguir realizando actividades entre colectivos que permitan unha desestacionalización da programación musical”, apunta.

NOVAS sobre as bandas muradás

Artigos do picadiscos Maikel DjSet

Comentarios