Terbutalina e Sés, finalistas dos Premios MIN da Música Independiente
Este ano volveremos ter presencia na Gala dos Premios MIN da Música Independiente. Xa será a 3ª vez que acudan os muradáns de Terbutalina, que este ano “competirán” ca bergantiñá Sés como finalistas dos Premios MIN de la Música Independiente ao Mellor Álbum en Galego de 2015, organizados pola Unión Fonográfica Independiente UFI.
”Al Otomano se le va la mano”, o seu primeiro disco en vinilo volve ser candidato a levar este premio que a banda muradá xa gañou o ano pasado con “A Muerte”. Os MIN definen a música dos Terbutalina como un “garage-punk festeiro disparado por cinco asmáticos monógamos e promiscuos da costa oeste amantes do tabaco, a praia e o matrimonio entre políticos imputado”.
Pola súa banda, Sés presenta o seu terceiro disco, “Tronzar os valos”, un “traballo feito con orgullo identitario, frescura e vitalidade que pretende concentrar nunha peza cancións viscerai e pasionais coa potencia do directo”, como o definen os organizadores. Sés dá xa ese salto ao panorama nacional que tiña que chegar antes ou despois, dada a súa forza, arte e valentía.
Vota e escolle os gañadores
Agora tócache a ti decidir cales son os gañadores. Só tes que entrar na web www.premiosdelamusicaindependiente.com/finalistas, premer en “Votar”, rexistrarte e escoller.
Para o Mellor Álbum en Galego de 2015, os muradáns e a bergantiñá competirán con Xabier Díaz e o seu The Tambourine Man tamén con sabor costeiro, co disco “Grao a Grao” de Rústica, e con “Lobos” de Davide Salvado, tamén nominado ao Mellor Álbum de Músicas do Mundo.
Ligazóns
Novas relacionadas
- Novembro 2015: Terbutalina publica o seu primeiro disco en vinilo.
- Terbutalina, Mellor Álbum en galego dos Premios da Música Independiente.
- Terbutalina vai A Muerte nos Premios da Música Independiente.
- Febreiro 2015: Aos Terbutalina váiselle a pinza.
- Febreiro 2013: Terbutalina saca novo disco cas claves do país: festa, velocidade e empanada.
- Xullo 2012: Xira Funeraria con Terbutalina.
- O poeta punki.
- Maio 2012: Os Terbutalina reparten Hostias para todos.
- Unha noite de poesía e punk para darlle Vitaminas ao galego.
- Terbutalina, no panorama bizarro da música galega dagora.
- Setembro 2011: Terbutalina saca un novo disco Broncodilatador.
- Marzo 2011: A banda muradá Terbutalina presenta o seu primeiro traballo.
Fonte
- Redacción de QPC ([email protected]).
