Venres. 18.10.2019
El tiempo

Aos Terbutalina váiselle a pinza

Aos Terbutalina váiselle a pinza
Os 5 asmaticos muradans de Terbutalina Terbutalina Tour 2015

Non decaen estes punkis muradáns. A banda Terbutalina arrinca este 2015 coa xira “A Muertísima”, e xa ten varios concertos artellados para Bueu, Baiona, Oviedo, Lugo, Ferrol ou Ourense. Que pasa logo ca Costa da Morte?

Ademais, neste 2015 chegan con nova web e nova imaxe da man de Guillotina Estudio. Atentos que inclúen rodas as letras, básico para berralas “cite>like a madafakin master” nos concertos.

Coma sempre, a música está libre de descarga, demostrando que esta xente vive no século XXI e que a música ten que vivir máis dos concertos que da venda. Xa levan 5 anos, dende a súa formación no 2010, facendo bailar a tododios co seu garage-gastro-punk festeiro disparado por cincos asmáticos da costa oeste, amantes do tabaco, a praia e o matrimonio entre polícitos. Xa levan máis de 90 concertos en festivais en sala, e contan con 6 traballos discográficos autoeditados e libres para descargar.

Enviamos, unha vez máis, os nosos parabéns a estes bravos, xa coñecidos en toda Galicia, e dos que sabemos que traspasarán as nosas fronteiras, con esta música carente total de vergonza. Parabéns aos terbutalinos Migui (voz principal e guitarra), Mon (guitarra e voces), Samu (baixo e voces), Brais (teclado e voces) e Diego (batería).

Aquí vos deixamos co "Non sei que" e "A historia de Bola" no Festival A Rebusca de Manzaneda, da man de GZMúsica TVG. E se queren máis, pinchen nesta lista de reprodución con ducias de vídeos terbutalínicos:

Máis info

Novas relacionadas

Máis novas musiqueiras

Fonte

Comentarios