Domingo. 28.11.2021
El tiempo

Muxía, outro exemplo de circo plenario ás costas da veciñanza

 

Pleno no Concello de Muxia
Pleno no Concello de Muxia
Muxía, outro exemplo de circo plenario ás costas da veciñanza

O pleno de Santa Comba é un dos crispados da zona. Mellor non falarmos do esperpento político que protagonizan os nosos representantes en Ponteceso (chegando a realizar plenos sen concelleirsos). Pero a Costa da Morte tamén ten un foco nos que a carraxe e egolatría impiden que os políticos fagan a súa función: entenderse para sacar proxectos adiante que melloren a vida da cidadanía.

Os paralelismos co caso pontecesán son semellantes: alcalde socialista que consegue maioría absoluta, pero que non consegue manter unido o seu grupo de concelleiros. Co apoio da provincial expulsa aos edís do partido, forma un novo goberno en minoría e pecha as portas ao diálogo, provocando que a oposición forme case que unha forza para desbancalo.

Os últimos episodios demostran a gravidade do asunto, coa posta en perigo mesmo do Plan de Obras e Servizos, aprobado en marzo gracias á abstención da oposición, pero que non foi ratificado pola falta de consenso entre forzas.

Moción ou Diálogo

Se ben o propio alcalde leva deixando caer a posibilidade de que a oposición presente outra moción de censura (de novo como en Ponteceso), a oposición, por agora, “o único que pide é diálogo”.

Así o ratifican estes días a voceira do PP Sandra Vilela, e a voceira dos non adscritos Mónica Vilela, que teñen unha batería de propostas que facer para modificar o Plan presentado polo goberno municipal.

A voceira do PP pide que “o alcalde se sente a negocial coa oposición” para salvar os 600.000€ do POS. “Reiteramos unha vez máis o noso compromiso e a nosa vontade a negociar para chegar chegar a acordos”, afirmou Vilela, quen incidiu no feito de que o señor Toba “non debe esquecerse de que goberna en minoría e necesita de acordos para sacar adiante os seus proxectos”, poñendo de exemplo, precisamenteo que acontece en Ponteceso. “Todo o que non sexa chegar a un acordo será un fracaso do que o alcalde será o único responsable pola súa postura ditatorial”, sentenza.

A representante dos non adscritos denunciou que “o alcalde utilice os medios públicos municipais para facer política”, e recoñeceu a súa “preocupación” porque “o alcalde está creando crispación na xente sen necesidade”. “O que hai que facer é consensuar e falar, como fan outros concellos gobernados tamén polo PSOE na nosa comarca”, propuxo.

Como salvar o POS


O alcalde Iago Toba

Dende o grupo socialista culpan unicamente á oposición de “bloquear” o POS tralo votos en contra do PP e do grupo non adscrito, e a adstención do BNG, a unha modificación presentada onte en pleno polo grupo de goberno. O alcalde empéñase en acusar de “falta de compromiso, de capricho e a pouca altura de miras” á oposición.

Agora o goberno céntrase en ver como salvar o POS, e aseguran manter reunións coa Deputación para intentar desbloquear a situación.

Se cadra, entenderse é a única saída.

Novas relacionadas

comentarios