Tremenda a mobilización social que está tendo lugar da man da campaña "Eu apoio os Secadoiros de Congro de Muxía”. Ata o PP local ten que saír á palestra, para intentar mediar nun conflito inventado pola Consellería de Sanidade sobre unha hipotética insalubridade dunha artesanía centenaria.

A voceira do PP local, Sandra Vilela, asegura que mantén contacto directo coa Xunta de Galicia para “tratar de buscar a mellor solución aos problemas” xurdidos nas últimas semanas. “Coñecemos o fundamental que resulta que a familia afectada poida seguir adiante cunha actividade que vai máis aló do económico e que ten que ver tamén coa cultura e co aspecto identitario da comarca”, indicou Vilela, que apenas asegura que “tanto desde a delegación territorial da Xunta de Galicia como desde as consellerías do Mar e de Sanidade trasladáronlle o compromiso de poñer todos os medios necesarios para solucionar este problema".

Novas relacionadas

• Febreiro 22: "Eu apoio os Secadoiros de Congro de Muxía”.
• Xaneiro 22: Os secadoiros de congro de Muxía chegarán ao Parlamento.
• “O Prestige foi o momento propicio para acabar coa nosa identidade, coa nosa forma de vida no mar”.
• 2021: Cociñando congro de vangarda.
• 2014: Os alumnos dos Muíños estrearon as visitas guiadas dos Secadoiros de Congro.
• Setembro 12: O congro de Muxía puido secar ao sol de setembro.
• O roteiro do congro.