Rematou a 2ª Fase da 1ª Autonómica Feminina, e fíxoo cun divertido derbi costeiro entre o Balonmán Xallas Mantido Contruccións SL e o Bm. Mostra do Encaixe de Camariñas. Non cambiou a posición final dos dous equipos a vitoria xalleira, pero o partido si se aproveitou para distribuír minutos entre as menos habituais e pechar unha temporada positiva.

O cadro xalleiro remata líder do grupo desta 2ª fase, pechando o curso con 5 vitorias concutivas na 11ª praza. Pola súa parte, as camariñás pechan na 3ª posición, nunha 13ª dun total de 18 equipos.

“Comezamos a liga co obxectivo de afianzar o bloque e dar outro pasiño máis adiante subindo ano tras ano na clasificación”, comenta un orgulloso adestrador encaixeiro Alberto Mas, que recoñece que se ben o equipo empezou ben o curso, as vicisitudes impediron manter unha boa cadencia de adestramento. “A liga a nivel xeral foi moi boa, non só polo posto que quedamos na primeira fase se non polo nivel de xogo colectivo”, valora o adestrador.

Pola súa parte, Miguel Ángel Barbeira, o míster xalleiro, fai este balance: "Tempada na que se empezou cun bo número de xogadoras, o que daba ilusión ao proxecto de non descender, aínda que pouco a pouco e por causas de falta de disciplina e compromiso o equipo foi mermando en número pero gañando en experiencia e saber facer nas facetas de xogo, sobre todo en saber controlar os partidos, polo que considero que foi unha evolución foi positiva".

1º Autonómica Feminina, 2ª Fase, xornada 6

• Resultado: Bm Mostra do Encaixe - BM Xallas (26-29)
• Bm Mostra do Encaixe: Miriam, Binta; Paula, Miriam P. (1), Yanira (1), Lucía, Cristina (4), Vero (4), Muna (9), Carla (3), Águeda (3), Marta (1), Nuria e Sara.
• Bm Xallas: Miriam, Patricia, Inés, Laura (13), Julia (2), Leticia, Raquel (3), Beatriz, Miriam C.(6), Aida, Samantha (2) e Zaira (3).

Os dous equipos empezaron algo apagados pero pouco a pouco o Xallas colocouse por diante no marcador e aínda que o Encaixe dou o arreón final, e nos últimos minutos o resultado estivo moi loitado, as camariñás non foron quen de alcanzar ao cadro verde.

Agora toca centrarse na última competición da tempada que é a Copa.

Máis información

• FGB: Clasificación da 1ª Autonómica Feminina. 2ª Fase 11º a 14º.

Crónicas do curso

• Balonmán: O BM Xallas escapa.
• Balonmán: Doble triunfo para xalleiras e encaixeiras.
• O BM Xallas puido co Mostra do Encaixe.
• O BM Encaixe comeza a segunda fase con vitoria.
• 25-02-2022: O BM Mostra do Encaixe estivo a piques de derrotar un dos galos da categoría.
• 07-02-2022: O Pavillón Víctor Vigo viviu un sábado cheo de balonmán.
• 25-01-2022: Balonmán: O Mostra de Encaixe deixa atrás outro rival
• 18-01-2022: O Bm. Camariñas Mostra de Encaixe comeza o ano cun claro triunfo.
• 17-01-2022: Concello, Bm. Camariñas e Federación Galega únense para fomentar o balonmán na Costa da Morte.
• O Balonmán Camariñas vive un proceso de relevo xeracional