Tras ratificar a súa oposición ao proxecto do Parque Eólico das Salgueiras, o BNG vén de presentar unha Proposición non de lei para para que o pleno do Parlamento analice o proxecto de repotenciación do parque eólico G3 de Corme.

Unha polémica repotenciación que vimos contando dende hai meses, con procesos de expropiación de fincas xa ocupadas, con denuncias de retrasos nos pagos de ata 19 anos . De feito, o BNG denuncia que a “tramitación do proxecto caracterizouse pola súa opacidade, pola falta de información, pola nula participación e polos abusos e irregularidades cometidas pola empresa coa complicidade das administracións”.

Os voceiros do BNG comprobaron este pasado sábado os “impactantes movementos de terra, excavacións e explanacións tanto para construír as bases dos muíños, para as pistas de acceso e para as vías de evacuación”. E lembran que, “a empresa beneficiase dunha normativa e dun trato favorábel por parte da administración, que lle permite deixar no lugar a cimentación dos aeroxeradores antigos que foron retirados”.

Lembran tamén a afectación á unha zona moi cercana á Rede Natura, nas inmediacións dun humidal protexido e no ámbito de protección de xacementos de arte rupestre”.

Ante todo isto piden a paralización da obra, mentres non se presente unha “investigación sobre as posibles irregularidades e abusos da empresa”, e un “informe sobre os impactos das obras de explanación e excavación”.

Novas relacionadas dos Parques Eólicos de Corme

• Outubro 2020: 6 entidades alertan do impacto ás "paisaxes pondalianas" do Parque Eólico das Salgueiras
• Setembro 2020: “Queren expropiar fincas que xa levan meses ocupadas polo novo parque eólico de Corme”.
• Agosto 2020: Esixen a modificación do proxecto eólico das Salgueiras polo impacto visual e a aparición de novos elementos patrimoniais
• Abril 20: A veciñanza presenta alegacións ao Parque Eólico das Salgueiras.
• 31-03-2020: Desmontando o parque eólico de Corme en pleno estado de alarma.
• Febreiro 2020: Os veciñ@s afectados polo parque eólico de Corme esixen o pago dos atrasos e dos "vuelos”.
• Novembro 19: "Levamos 19 anos sen saber que un viravento invadira as nosas fincas de Corme”.
• Novembro 19: “Afectados polo Parque Eólico somos todos os veciños de Corme e o seu patrimonio”:

Novas sobre os eólicos

• Familias afectadas por 6 proxectos de parques eólicos: “Róubannos a nosa Paisaxe”.
• O BNG ratifica o seu rexeitamento ao parque eólico no Monte das Salgueiras.
• Ofrecen un modelo para presentar alegacións para pedir a inaplicación do Plan Sectorial Eólico de Galicia.
• “Aldeas con horizonte”: Manifesto por unha moratoria a novos parques eólicos.
• “O parque eólico Salgueiras é ilegal que cada representante político e social asuma súas responsabilidades”.
• Carta aos eólicos: “O expolio está servido”.
• O Cerqueiral, outra ameaza para a nosa paisaxe.
• Greenalia, que promove 7 parques eólicos na comarca, fai unha doazón de material escolar.