Se por Pamplona sairán os toros polas rúas, en Corme, polo San Fermín, correrán os percebes. Unha das festas gastronómicas máis importantes da Costa da Morte xa está a piques de saír do forno. Ou da pota, onde se cocen os case un millar de quilos de percebes que a xente de Corme xa está traendo á lonxa. Días de traballo na mar, e menos mal que non está de todo brava. E aí vemos as primeiras pezas que está a escoller a organización... Parece que este ano o percebe vai estar ben bo.

Xa nos contaba Paula Pombo o segredo do rei dos Percebes, i é que por algo esta XX Festa do Percebe do Roncudo é unha das referencias da zona. Ademais, esta é unha data especial pois 20 anos son moitos.

E haberá de todo este sábado 7 de xullo. De feito para comer, non só haberá percebe, se non que o polvo e a empanada acompañarán tamén ao viño. A festa comezará ás 12.00h coa célebre Misa na honra dos percebeiros/as falecidos/as. A música empezará ás 13.00h cos pasarrúas da Charanga Os Kilomberos de Monte Alto e o Grupo de Gaitas Donaire da coruña.
Ás 13.30h terá lugar a lectura do pregón cargo de Ramón Pombo Castro, Bergantiñán do ano 2011, que ademais dará o pistoletazo de saída para comezar a zampar.

E de aí en diante, xa saben vostedes de que se trata, zampar, zampar e zampar. Pero ollo, que para baixar a comida, e durante toda a tarde, hai sesión de DJ na Praza da Ribeira cos pinchas locais Eventos On, todo un luxo con boa música, como a que virá ao Festival Con V de Valarés.

Máis información

• www.percebedoroncudo.com.
• Facebook da Festa do Percebe Corme.

Novas relacionadas

• Entrevista con Paula Pombo: “A forza coa que rompe o mar no Roncudo fai que o noso percebe sexa o rei”.
• 2012: O rei do marisco xa ten a súa festa preparada.
• Festa 2011: Corme esgotou cos 1.000 quilos de percebes do Roncudo.
• Festa 2010: A Festa do Percebe non nota a crise.
• Festa do Percebe do Roncudo 2009: 6.000 persoas disfrutaron do mellor Percebe do Roncudo.
• Festa do Percebe do Roncudo 2008: A Festa do Percebe do Roncudo volveu ser un referente en todo o país.

Máis novas

• Percebeir@s a ritmo do mar.
• Unha homenaxe, en vídeo, á figura de percebeiro.
• Unha nova documental pechará a triloxía sobre o mar de Laxe.

Fonte

• Redacción de QPC ([email protected]).