Xoves. 28.03.2024
El tiempo

Martín Varela queda ás portas das Paraolimpiadas

Martín Varela queda ás portas das Paraolimpiadas

Leva case un ano loitando por chegar, pero parece que Londres 2012 vai quedar demasiado lonxe para o noso cormelán máis internacional. Martín Varela necesitaba gañar e puntuar no II Torneo Internacional Ciudad da Coruña, pero nin o feito de xogar na casa permitiu que o cormelán puidese cantar vitoria. Caeu en semis ante o inglés Jewitt, e o torneo era gañado polo compañeiro na Selección Española Quico Tur.

Deste xeito, o cormelán despídese do seu soño, que era o de representar a Corme, á Costa da Morte, a Galicia e a España nas Paraolimpiadas de London 2012.

Máis torneos

Así e todo, non remta a tempada para Martín, e xa pensa no novo destino: Corea (Seul), Copa do Mundo 2012. Aí si que estará formando parte do equipo masculino, precisamente xunto ao catalán Quico Tur e ao aresán Álvaro Illobre.
Tamén estarán as Lola Ochoa e Elena Jacinto no equipo feminino, nunha expedición que capitanean Lorenzo Hernandez y David Sanz.

Queremos enviarlle dende aquí o noso meirande alento a Martín, un grande da Costa da Morte.

Máis información

Novas relacionadas

Fonte

  • Nota de prensa de Esteban Varela.

Comentarios