Venres. 29.03.2024
El tiempo

Denuncian a altos cargos da Xunta por non declarar a caducidade da mina de Varilongo

Sondaxes realizadas polo Grupo mineiro Santa Comba en Varilongo
Denuncian a altos cargos da Xunta por non declarar a caducidade da mina de Varilongo
A mina de Varilongo, así como a de San Finx, serán obxecto dunha vista na ONU o próximo 22 de marzo por careceren de avaliación de impacto ambiental

A Xunta anulou o pasado mes de decembro a solicitude de vertido da mina de Varilongo. Pero non acaba de declarar a caducidade das concesións da mina xalleira, abandonada en 1986, como obriga tamén o Tribunal Supremo.

Por esta inacción, o colectivo Ecoloxistas en Acción vén de interpor nos xulgados de Santiago denuncia penal contra varios altos cargos da Consellería de Economía, Empresa e Innovación por non proceder a declarar a caducidade das concesións da mina.

Consideran que os altos cargos da Xunta poderían estar incorrendo en varios delitos de prevaricación, como tamén puido ter acontecido tras “deixar caducar un procedemento sancionador por vertidos de metais pesados que implicou a contaminación de ríos próximos, presentando estes valores de cadmio centos de veces superiores aos máximos permitidos”.

O grupo esixe ademais á Xunta que obrigue á mineira australiana a constituír un aval de como mínimo 5 millóns de euros para facer frente á restauración, peche e clausura da mina.

O colectivo conservacionista pedirá tamén ante a ONU o próximo 22 de marzo que se dictamine que foi vulnerada a Convención de Aarhus tanto neste proxecto como no de San Finx..

Novas relacionadas

Comentarios