Continúa a sociedade civil loitando contra a invasión eólica. Esta fin de semana celebrábanse actos informativos e de denuncia en Carballo e Berdoias, que se repetirán este sábado na capital bergantiñán. Pola comarca de Soneira a cita está formulada para o 22 de maio, cun encontro poético organizado pola Plataforma Salvemos os Penedos.

A entidade xa reiterou que o proxecto eólico Monte Chan supón “auténtico atentado contra este conxunto xeolóxico e paisaxístico único, que representa un dos principais bens patrimoniais dos concellos de Laxe e Vimianzo, pero tamén da Costa da Morte e de Galicia, e que supón un recurso fundamental para o desenvolvemento da zona, na que o sector turístico se está a converter nun dos seus principais activos económicos”.

Por iso, consideran que “o Plan de Xestión dos Penedos de Pasarela e Traba, anunciado hai poucos días pola Dirección Xeral de Patrimonio Natural da Xunta de Galicia, con doce anos de retraso; así como a inauguración do itinerario por este espazo natural a iniciativa dos concellos de Vimianzo e Laxe, son totalmente incompatibles coa instalación de calquera parque eólico na súa contorna, máximo cando estamos a falar dunha Paisaxe Protexida por lei.”

Así, despois da recollida de 4.000 sinaturas a través da Plataforma change.org, e da presentación de alegacións contra os parques Monte Chan e Pena dos Mouros, a próxima actividade será este Encontro Poesía Polos Penedos, cun programa literario, musical e cultural, pero ao mesmo tempo reinvindicativo.

A saída será ás 10:45h diante da antiga escola Labarta Pose de Pasarela, para facer a ruta ata os Penedos acompañados da música do grupo Trubisquiñas de Vimianzo. Unha vez chegados ao espazo natural, a carón da Pedra Multiforme, comezará ás 12:00h o Recital de Poesía, presentado por Xurxo Souto e co acompañamento musical de César Morán, no que participarán destacados escritores e escritoras da literatura galega, moitos deles vinculados á Costa da Morte, e que de xeito desinteresado, quixeron que a súa voz soase en defensa desta incomparable paraxe dos Penedos. Confirmaron a súa asistencia Rosalía Fernández Rial, Arancha Nogueira, Estevo Creus, Helena Salgueiro, Modesto Fraga, Miguel Anxo Fernán-Vello, Xulio López Valcárcel e Miro Villar. Queda algún máis por confirmar.

Rematado o recital, e despois dun pequeno descanso, que se aproveitará para tomar un bocata ou algo similar, iniciarase a Ruta polos penedos, guiada polo xeólogo e profesor Juan Ramón Vidal Romaní, que conducirá aos visitantes a gozar das singulares formas graníticas que nos mostran algunhas das rochas deste parque máxico.

Novas relacionadas

• 30-04-2021: Laxe e Vimianzo tiran dos Penedos de Traba e Pasarela .
• 27-03-2021: O pleno de Laxe esquece os Penedos de Traba e Pasarela.
• ANOVA: “A Xunta paraliza a ampliación da Rede Natura para favorecer a ubicación irregular de eólicos como os de Monte Chan”.
• O BNG oponse ao PE Monte Chan, “unha ferida de morte na paisaxe dos Penedos”.
• O SEMESCOM presentou alegacións contra os dous proxectos dos parques eólicos que ameazan os Penedos.
• 22-02-2021: O BNG de Laxe presenta unha moción para que o pleno rexeite os Parques Eólicos de Monte Chan e Pena dos Mouros.
• Xan Fdez. Carrera: Novo ataque á Costa da Morte.
• 18-02-2021: Os Concellos de Laxe e Vimianzo plántanse ante o parque eólico Monte Chan pola súa afectación aos Penedos.
• PE Monte Chan: Adiante Vimianzo e BNG presentan alegacións ao PE Monte Chan por afectar á Paisaxe Protexida dos Penedos.
• PE Monte Chan e Pena dos Mouros: A veciñanza de Laxe denuncia dous proxecto eólicos sobre Laxe, Camelle e Vimianzo.
• Xaneiro 2020: Vimianzo e Laxe únense de novo para esixir que a Xunta comece o Plan Estratéxico dos Penedos.
• Novembro 19: Os Concellos de Laxe e Vimianzo retoman, en serio, o proxecto dos Penedos de Traba e Pasarela.
• Decembro 2018: Os Penedos xa ten imaxe para o seu póster.
• Novembro 2018: 10 anos despois a Xunta comeza a traballar no Plan dos Penedos.
• Setembro 2018: Os penedos cobran vida.
• 2018: Laxe e Vimianzo únense para reivindicar os Penedos como #moitomáisquepedras.
• 2018: Augusto Pérez-Alberti: “É lamentable que a Xunta non fixera nada dez despois da declaración dos Penedos de Traba e Pasarela como Paisaxe Protexida”.
• 2018: Unindo forzas entre Concellos para salvar os Penedos
• 2016: O SEMESCOM presenta dous calendarios para o 2016 con imaxes dos Penedos de Pasarela e Traba.
• 2014: Vimianzo esixe o Plan de Conservación dos Penedos de Traba e Pasarela.
• Os vídeos da Semescom: Os penedos de Traba e Pasarela.
• 2009: Os Penedos de Traba e Pasarela son oficialmente Paisaxe Protexida