Coma se dun combate de boxeo se tratase, o XVII Asalto ao Castelo vivirá este sábado a súa primeira sesión cunha novedosa Gala-Casting. Faino despois de que o pleno vimiancés aprobara, por unanimidade, solicitar a declaración de Festa de Interese turístico, e coa intención de presentar todas as novidades da festa deste curso.

Así, este sábado 2 de xuño ás 22.00h, a Casa de Cultura de Vimianzo acollerá esta impredecible cita á que acodirán xentes de toda a bisbarra a disfrutar, e participar por igual. As asociacións organizadoras, Cherinkas e Axvalso, presentarán o cartel, as bandas, o merchandising... ademais proxectarán os primeiros e tolos vídeos de promoción (aquí vedes o trailer), e, sobre todo, escollerán a moitos dos actores (irmandiños e nobles) que realizarán a representación festexeira-histórica do gran día da Festa, o sábado 7 de xullo. Todo envolto na maxia do teatro, música, humor e sorpresa

A Cea Medieval e a Feira Artesanal

O éxito da Cea Medieval que se adoita celebrar na véspera do Asalto é indiscutible. O entorno no que se sitúa a cea, o foxo do castelo, é o maior atractivo que converte este evento nun dos máis desexados da comarca. As entradas hanse poñer á venda por 20 euros o venres 1 de xuño na Casa da Cultura e na Administración de Lotería da vila nos seus horarios de apertura. Sairán á venda 150 pases, pois o resto xa foron compradas por organizadores, colaboradores e patrocinadores. Cada persoa poderá retirar un máximo de catro entradas.

Ademais, trala boa acollida da Feira Artesanal do ano pasado a Organización repite experiencia para axudar a converter o centro de Vimianzo nunha auténtica vila medieval. Encadrada no programa de actividades do Asalto ao Castelo, volverá a ter cabida na praza do Concello e ao longo da rúa Vázquez Mouzo. Actualmente xa hai numerosas inscricións polo que se prevé superar o número de postos do ano pasado.
Os interesados en participar, sinalar que a participación é de balde e poden formalizar a inscrición a través da páxina web do asalto www.asaltoaocastelo.org.

Máis información

• www.asaltoaocastelo.org.
• www.facebook.com/asaltoaocastelo.

Novas irmandiñas

• A cultura tamén invadíu un Vimianzo que pedirá que o Asalto sexa Festa de Interese turístico.
• Unha Gala-Casting para escoller aos Irmandiños que asaltarán o Castelo.
• Os Irmandiños comezan a preparar o Asalto ao Castelo 2012.
• Os colaboradores de QPC tomaron a palabra coa participación da Cherinkas.
• Asalto 2011: A Cherinkas pégase unha autohomenaxe irmandiña.
• Asalto 2011: O Asalto 2011 en vídeo.
• Asalto 2011: Os irmandiños volveron recuperar o poder do Castelo de Vimianzo.
• Asalto 2011: A artesanía irmandiña.

Máis novas festivaleiras

• 24 horas de natureza, praia, música, arte en Valarés.
• Moito máis que música no Sereas e Piratas de Razo.
• Malpica “josará” cos Heredeiros da Crus no Nordestazo Rock 2012.

Fonte

• Nota de prensa do Secretario da A.X. Cherinkas, Óscar Santos.