Xoves. 05.08.2021
El tiempo

Comezaron as obras da ampliación da Ponte de Baio... 10 anos despois

As obras prolongaranse todo o verán
A Piroga esta en Baio pero no Concello de Vimianzo
Comezaron as obras da ampliación da Ponte de Baio... 10 anos despois

Non era sen tempo… Xa pasaron 11 anos dende que a Xunta anunciara as obras de ampliación da Ponte da Piroga, a ponte que une A Piroga (Vimianzo) de Baio (Zas) salvando o río Grande.

Non sen recortes no proxecto, a Xunta licitaba a obra o pasado mes de decembro, e outros 6 meses despois comezan as obras.

As obras teñen un investimento de 328.000€, e consistirán fundamentalmente na ampliación da sección transversal mediante a execución dunha lousa de formigón armado, con voadizos en ambos os laterais. A ampliación permitirá reordenar o tráfico rodado e peonil, xa que a nova sección transversal posibilitará albergar dous carrís de 3 metros de ancho, beiravías de 0,25 ou beirarrúas de 2,10 metros de anchura.

Cronograma

A execución das obras foi programada por fases. Onte comezaron os traballos previos, coa instalación de sinais verticais, e hoxe, martes, continuarán co pintado e a colocación de barreiras para iniciar os traballos de escavación do noiro que aloxará as canalizacións para repoñer os servizos de telecomunicacións.

Nesta etapa preparatoria, está previsto ocupar un dos carrís e permitir tráfico de vehículos alternativo regulado con semáforos polo carril dereito, en sentido Fisterra. Ademais, habilitarase sinalización cos desvíos alternativos para os vehículos nos accesos pola AC-552 e nos enlaces coa AG-55. Os peóns terán un paso habilitado en todo momento.

A partir do 19 de xullo, comezarán os traballos de rehabilitación da ponte coa demolición do muro e o seu acondicionamento para a ampliación do taboleiro. Nestas fases permitirase o tráfico de vehículos alterno regulado con semáforos e os peóns terán un paso habilitado.

Na segunda quincena de agosto terá lugar a preparación da ponte para o asento das lousas. Durante estas semanas estará cortada totalmente a circulación de vehículos pola ponte, sendo obrigatorio utilizar os desvíos alternativos sinalizados. Desde xeito, evítase que o corte se realice na primeira quincena de agosto, cando hai máis afluencia de tráfico.

A principios de setembro xa se abrirá a ponte ao tráfico coa nova sección ampliada e realizaranse os cortes de carril necesarios para o estendido do aglomerado do taboleiro ou a execución das xuntas de dilatación.

NOVAS RELACIONADAS

comentarios