Moitos anos cumpren por Santa Comba, facendo bos os estudios que demostran o envellecemento crónico da nosa comarca. Desta volta foi a veciña dos Fornos, na parroquia xalleira de Santa Sabina, Aurora García Rey, a que celebraba o seu 103 aniversario acompañada dos seus familiares.

Aurora naceu un 25 de outubro de 1913. Tivo catro fillos. Casou con vinte anos con Marcelino Calvo e cando quedou viúva, no 1969, emigrou a Venezuela, regresando a España a finais dos anos setenta. Esta veciña dos Fornos leva na actualidade unha vida tranquila e independente.Na visita da alcaldesa, Aurora García confesou que aínda que tivo varias intervencións cirúrxicas, na actualidade non tomaba medicamento ningún. Sobre o secreto da súa lonxevidade dixo que comía “sano” e acompañaba o xantar “cun vaso de viño”.

Aos seus 103 anos encóntrase ben de saúde e incluso este ano axudou coa recollida das patacas arrancando ramas. Aurora García Rey ten cinco netos, dous bisnetos e dous tataranetos.

Novas relacionadas

• Xaneiro 2016: Pepa de Braña, a nova centenaria en Santa Comba.
• Maripepa de Rieiro, a nova centenaria de Santa Comba.
• Teresa Carreira, a nova muller centenaria en Zas.

Estudios relacionados

• Outubro 2016: As defuncións seguen superando os nacementos.
• 2014: A Costa da Morte perdeu máis de 5.000 persoas na última década e 840 no último ano.
• 2013: A Costa da Morte perde 600 habitantes ao ano.
• 2012: Cada comarca da Costa da Morte perde un centenar de persoas ao ano.
• Europa aprende a envellecer activamente en Ponteceso.
• A Costa da Morte terá en 10 anos 213 maiores de 65 anos por cada menor de 20.
• Continúa a sangría poboacional en Fisterra.
• Manuel Lema, o nome e o apelido máis frecuente na Costa da Morte.
• Un cuarto da poboación da Costa da Morte vive fóra.

Fonte

• Redacción de QPC (info@quepasanacosta.com).