Espectacular ver un espazo cheo de mocidade un sábado cedo pola mañá. Vivímolo o ano pasado en primeira persoa nunhas Xornadas de Novos Emprendedores, e esta fin de semana a Lareira da Fundación Eduardo Pondal volveu encherse de rapazada activa. I é que a aldea do Couto é distinta ata para iso, e a mocidade, de tanto crecer entre culturas xa prefire unha activa mañá que unha longa noite de marcha.

Este pasado sábado tiña lugar unha Xornada de Educación non formal, na que os propios voluntarios e monitores compartían as súas experiencias con outros rapaces do Concello, animándoos a participar nas actividades da Fundación ou doutras entidades da zona como Íntegro.

Bravas veteranas desto como Sofía Fondo ou Tamara Lema compartiron as súas ideas sobre como aportar á comunidade, crecendo por dentro. E como serven de oportunidade para formarse a un mesmo, coñecer xentes e abrir portas que dan acceso á oportunidades.

Medio centenar de rapaces escoitaban atentos, pensando xa en como aportar para convertir O Couto na primeira aldea sostible do planeta.

Pola tarde, tocou II Xornada de Mulleres Emprendodras na Ribeira Baixa do Anllóns, unha demostración do valor das mulleres mariscadoras da zona.

Novas relacionadas

• 10-13: Do enorme traballo de canteira dende O Couto.
• O Couto refrenda a sintonía de Neira Vilas na Costa da Morte.
• A Aldea sostible do Couto salva ao rural mundial a base de cultura.
• A Fundación Fernando Blanco prepara un Mes de outubro de vertixe cultural.
• O Couto, un experimento universitario para salvar ás aldeas de todo o mundo.
• Que facermos para lles transmitirmos o galego ás xeracións máis novas?.
• A Fundación Eduardo Pondal é galardoada co V Premio Rosalía de Castro de Lingua e Cultura.
• Adrián Varela, da canteira do Couto: “Non cremos o suficiente na nosa zona”.
• Festiletras 2014: A Aldea das Letras abre os ollos a outros mundos para seguir facendo país.
• Festiletras 2013: As grandes actuacións encheron a Aldea do Couto de Letras.
• Festiletras 2012: Cheo tras cheo no espectacular Festiletras da aldea do Couto.
• Festiletras 2011: Hai canteira para a Festa das Letras do Couto.
• A mocidade que forma.

Fonte

• Redacción de QPC (info@quepasanacosta.gal).