Parece que temos que recoñecer que somos potencia en desenvolvemento rural. Ou alo menos así o indica a Asociación asociación de profesionais do desenvolvemento local de Galicia, AFIPRODEL, que vén de entregar os seus Premios de Desenvolvemento Local en Galicia 2014. E a Costa da Morte está moi presente, con varios proxectos vencedores e moitos participantes, como o propio QPC.

O pasado venres tiña lugar a entrega dos diplomas e numerosos persoeiros da zona estiveron presentes para recoller os diplomas, que premian a senlleiras experiencias en desenvolvemento local promovida polas administracións, entidades sen finalidade de lucro e empresas ou emprendedores en concellos galegos menores de 20.000 habitantes e asesoradas por un profesional de desenvolvemento local.

A presencia costeira foi tal que ata a presentadora é da nosa zona, Dolores Pena, presidenta de Afiprodel, Desenvolvemento Local. A nivel costeiro, foron premiados na Modidade de Administracións, o segundo premio foi para o proxecto “Vimianzo. Do Mar á Terra”, e foi a mesma Rosa Sánchez a que recolleu o diploma.
Na Modalidade de Entidades, copamos o podio. O primeiro premio é un dos nosos favoritos, como é o proxecto Sabor Emprendendor do Centro de Promoción Rural EFA Fonteboa. Ademais, o segundo premio das accións levadas a cabo por Entidades, foi para Zas, concretamente para Fornelos, onde a iniciativa veciñal conseguiu levar adiante o acondicionamento e a posta en valor do lugar de Fornelos.
E na Modalidade de Empresas, o segundo premio tamén é costeiro, e non é outro que a Planta de Trasformación de elaborados cárnicos asociados á explotación familiar de Raposo Cárnicos, en Dumbría.

Pero tamén recolleron os diplomas El Cos, de Aurora dos Camiños; unha trasna polo Camiño dos Faros; o mestre costeiro Ricardo Garcia Mira; Osvaldo Santos Lobelos, AEDL do Concello de Fisterra, recolle o diploma de Fisterra na Nube; Lucía Figueroa Rodríguez de "Encajes Lucita”; a proposta de encaixe Mecam.net; Carmen Riveiro, promotora do proxecto O Liño…

Máis información

• Galería de fotos dos premiados pola Afiprodel.
• Premios Afiprodel-Galicia ás Boas Prácticas de Desenvolvemento Local.

Novas relacionadas

• Varios proxectos costeiros, recoñecidos por Afiprodel.
• QPC, entre os proxectos costeiros que optan aos Premios Afiprodel.
• Os ADLs da Costa da Morte tiran polo Desenvolvemento Local a nivel nacional en tempos de recortes.
• Conclusións activas para o Desenvolvemento Local.
• Afiprodel prepara un proxecto piloto de desenvolvemento local dende a Costa da Morte para Galicia.

Fonte

• Redacción de QPC ([email protected]).