Despois das numerosas concentracións en Corcubión emais en Camariñas o sector da pesca artesanal da Costa da Morte realizaba este sábado 27 de xuño unha marcha pacífica en reivindicación dunha pesca sostible por Fisterra.

Praza tremendamente simbólica a invadida por medio millar de mariñeiros de toda a volta (dende Malpica ata Noia), para intentar conseguir que as 12 primeiras millas de mar sexan reservadas para a pesca de baixura, un verdadeiro motor económico e de emprego na Costa da Morte e en todo o litoral galego.

Por iso, os mariñeiros piden que os barcos de arrastre non poidan faenar nesas 12 millas, para mantelas sostibles e en bo estado de saúde.
Os argumentos son numerosos e se resumen na idea de que “Non todo o que vai á rede é peixe”. A realidade é que arrastre ou pesca de arrastre é unha técnica que consiste fundamentalmente no emprego dunha rede lastrada que barre todo o fondo mariño, capturando todo o que encontra o seu paso. É unha técnica moi prexudicial e destrutiva que está explotando os poucos recursos que nos ofrece o mar, explican dende a Confraría de Corcubión, unha das máis promotoras destas concentracións.

“Non destruíamos as nosas costas, loitemos por elas. Son o noso presente, e o futuro dos nosos fillos e dos nosos netos”, rezan os lemas costeiros.

Os mariñeiros estiveron arroupados polo novo alcalde fisterrán, José Marcote, o voceiro do BNG, Kuka Sar, e mais o alcalde de Corcubión, Lalo Insua. Afirman que seguirán con estas manifestacións se o Ministerio non escoita as súas xustas reivindicacións.

Novas relacionadas

• 01-06-15: Camariñas acolleu unha nova manifestación pola pesca artesanal.
• Lonxanet leva o exemplo da pesca artesanal costeira á ONU.
• A Reserva dos Miñarzos, aínda un exemplo mundial de pesca sustentable.
• A solta de alevíns na Reserva Mariña, mera acción formativa.
• 01-12-14: Apoio multicolor á pesca de baixura.
• 28-11-14: O BNG pide compromiso aos Concellos coa loita da pesca artesanal.
• 24-11-14: A baixura costeira segue mollándose.
• 19-11-14: A defensa da pesca de baixura tamén chegará aos plenos municipais.
• 17-11-14: A baixura galega pelexa polo seu futuro en Corcubión.
• 13-11-14: A pesca artesanal pide sardiña.
• 10-11-14: A pesca artesanal álzase contra o arrastre con concentracións en Corcubión.
• Asoar traslada aos eurodiputados as demandas do xeito.
• 30-09-14: O peche da sardiña pon contra as cordas ao sector do xeito.
• Alarmante situación a da pesquería do polbo.
• A pesca artesanal responde á Xunta que quere seguir sendo artesanal.
• A Costa da Morte presente na nova Plataforma de Pesca Europea Artesanal LIFE.
• A loita polas cotas da pesca artesanal chega ás rúas de Bruxelas.
• Un berro pola pesca artesanal.

Fonte

• Redacción de QPC ([email protected]).