O pasado venres pola noite, preto de cen veciñas e veciños de Carballo participaron na asemblea aberta de presentación dos 12 primeiros membros da candidatura do BNG ás eleccións municipais de maio. Foron os 12 primeiros porque ese é o obxectivo a acadar nas urnas: despois de tres mandatos nos que a representación do BNG en Carballo foi medrando dende os seis concelleiros do período 2003-2007 ata os dez actuais, os vindeiros catro anos teñen que ser os da maioría absoluta.

Unha aposta pola continuidade pero con certas achegas, tendo en conta que 10 membros do actual goberno municipal forman parte da lista de 12 concelleiros polos que quere loitar o BNG, dos 21 que conformar o Pleno.

Un repaso membro a membro

O actual alcalde e aspirante á reelección, Evencio Ferrero, presentou aos 11 compañeiros e compañeiras de viaxe. De Belén Lendoio, número 2, destacou o seu importantísimo labor á fronte da Concellería de Facenda para que o Concello de Carballo teña unha excelente saúde económica, cunha débeda de menos de 40 euros por habitante (a media dos concellos de máis de 20.000 habitantes é de 700) e sen necesidade de renunciar aos investimentos malia a situación de profunda crise que caracteriza o mandato que está a piques de rematar. De igual xeito subliñou “a capacidade de traballo e mesmo a cabezonería” do número 3, Xosé Regueira, para sacar adiante “os aspectos máis visibles” dos últimos anos: Derrubando Muros con Pintura, horto escolar, pedibús, metrominuto…

A capacidade de xestión do actual goberno municipal ten outro dos seus referentes en Milagres Lantes Seara, número 4, polo excelente labor desenvolvido nas complicadas áreas de contratación e urbanismo, nesta última conseguindo sacar adiante por unanimidade a aprobación provisional do PXOM. Polo que respecta ao número 5, Luis Lamas, o alcalde cualificouno como a persoa que mellor coñece o territorio municipal, cada metro dos máis de 300 quilómetros de vías municipais e as necesidades de todos e cada un dos lugares das 18 parroquias.

Nos números 6 e 7 figuran as incorporacións, Mª Carmen Ures García e Miguel Vales Mallo, que “reforzan e melloran esta candidatura naqueles aspectos que era preciso reforzar”, asegurou Evencio Ferrero. “Calquera equipo, por moi bo que sexa, necesita algunha achega, e isto e o que supón esta proposta: as novas incorporacións aportan aire fresco, coñecementos, capacidade e máis perfís técnicos ao noso grupo, un equipo tremendamente cohesionado e eu creo que tamén tremendamente eficaz á hora de xestionar Carballo. Polo tanto, síntome moi agradecido a todas as persoas que renovaron o seu compromiso con Carballo. Esta é unha candidatura do conxunto da sociedade carballesa, e esperemos tamén que así sexa percibido polos votantes e que sigamos merecendo o apoio reforzado por parte dos veciños e das veciñas de Carballo”.

Mar Eirís, concelleira de Educación e Cultura, figura no nº 8; Marcos Trigo, edil de Deportes, Medio Ambiente e Formación e Emprego, no 9; Mª Carmen Regueira, titular de Terceira Idade e Sanidade, no 10; Inés Rodríguez, a última en chegar ao goberno, delegada de Igualdade e Benestar, no 11, e Daniel Pérez, concelleiro de Xuventude e Novas Tecnoloxías, no 12.

Candidatura do BNG de Carballo

• 1. Evencio Ferrero Rodríguez. Alcalde de Carballo.
• 2. Belén Lendoiro Esmorís. Licenciada en Filosofía. Profesora do IES Parga Pondal e Concelleira de Facenda, Patrimonio, Festas e Participación Veciñal.
• 3. Xosé Regueira Varela. Deputado Provincial e portavoz dos grupos provincial e municipal do BNG. Concelleiro de Promoción Económica, Xestión Municipal e Normalización Lingüística.
• 4. Milagres Lantes Seara. Concelleira delegada de Planificación e Desenvolvemento Urbano, Contratación, Feiras e Mercados.
• 5. Luis María Lamas Álvarez. Concelleiro de Obras, Servizos e Medio Rural.
• 6. María Carmen Ures García. Licenciada en Ciencias Políticas. Forma parte do Consello Local do BNG sendo responsable de políticas da muller.
• 7. Miguel Vales Mallo. Enxeñeiro agrónomo. Veciño de Carballo.
• 8. Mª Mar Eirís Villar. Ensinante con destino no IES Parga Pondal. Concelleira de Educación e Cultura.
• 9. Marcos Trigo Facal. Licenciado en Educación Física. Concelleiro de Formación e Emprego, Deportes e Medio Ambiente.
• 10. Mª Carmen Regueira Baldomir. Licenciada en Educación Física e Mestra. Actualmente é concelleira delegada de Terceira Idade e Sanidade.
• 11. Inés Rodríguez Muiño. Empresaria. Concelleira delegada de Igualdade e Benestar.
• 12. Daniel Pérez López. Avogado. Concelleiro delegado de Xuventude e Novas tecnoloxías.

Novas sobre as Eleccións Municipais

• O PP, o primeiro en amosar todos os candidatos de cara ás Municipais.
• O BNG de Muxía xa ten candidato para as municipais de maio.
• O PSdG da Costa da Morte coñeceu a Julio Sacristán.
• O BNG de Camariñas xa ten a súa cabeza de lista.
• Novos movementos no taboleiro político de Laxe.
• As propostas asemblearias moven ficha.
• A política abre as portas á cidadanía, tamén na Costa da Morte.
• Compromiso por Mazaricos estrearase nas Municipais de maio.
• Movementos no taboleiro político de Mazaricos.
• Zas e Santa Comba reducen concelleiros nas próximas eleccións municipais do 2015.
• María Xosé Alfonso será a primeira candidata a alcaldía da historia de Compromiso en Muros.
• O baiés José David Gómez Brandariz, novo candidato do PP de Zas.
• Manuel Antelo repetirá como candidato a repetir na alcaldía de Vimianzo.
• Xan García deixa a Neria pero ameaza coas Eleccións Municipais.
• Paco Souto será o candidato do BNG á alcaldía de Malpica.
• Moncho Noceda volve a presentarse como candidato á alcadía de Carnota.
• Evencio Ferrero volverá presentarse como candidato á alcaldía.
• O PP presenta 12 candidatos costeiros para xogar ao ataque nas municipais.
• Os PP de Carballo, Camariñas, e Muxía estrean candidato.
• O PP de Dumbría e Muros cambian de cara.

Novas sobre as Eleccións Xerais

• Xaneiro 2015: Estudio de Carlos Neira para AMEGA: O Mirante: Podemos gañaría as eleccións a día de hoxe.
• Decembro 2014: Estudio de Carlos Neira para AMEGA: Podemos, camiño da Moncloa.

Máis novas políticas

• Unha vintena de políticos imputados na Costa da Morte.
• Eleccións Municipais 2011: Valoracións sobre os Resultados das Eleccións 2011.

Fonte

• Redacción de QPC ([email protected]).