Ademais do acordo para realizar as obras de rehabilitación do Salón de Actos, ao IES Alfredo Brañas pásalle de todo. Unha praga de térmites ameaza a fachada do centro. O centro volvía copar uns minutos no Parlamento Galego, da man do BNG, e foron todos os partidos os que apoiaron por unanimidade unha moción para acometer “coa máxima celeridade” a eliminación da praga de térmite do do IES Alfredo Brañas de Carballo, que provocou a caída do teito do seu salón de actos no ano 2021 e leva tres anos agardando pola acometida de accións técnicas
contra esta couza, así como do arranxo da propia fachada do centro, da cal desprendéronse varios cascotes.

Dende o BNG lembraron os máis de 2 anos de retraso por parte da Xunta en afrontar o problema, feito que non fixo máis que empeorar a situación.

NOVAS RELACIONADAS

• Marzo 23: Adxudicadas as máis necesarias obras do auditorio do IES Alfredo Brañas
• Outubro 22: O Salón de Actos do IES Alfredo Brañas será remodelado para o inicio do curso 23-24
• Outubro 22: Volven a levar o lamentable estado do auditorio do IES Alfredo Brañas.
• Abril 22: A Xunta compromete 230.000 para a reforma do Salón de Actos do IES Alfredo Brañas.
• Marzo 22: A Xunta arranxará o salón de actos do IES Alfredo Brañas “cando haxa dispoñibilidade orzamentaria”.
• Novembro 21: O BNG carballés esixe actuacións urxentes no esfolado Salón de Actos do IES Alfredo Brañas.