Xoves. 28.03.2024
El tiempo

En marcha o proxecto de sinalización e mellora da seguridade no Monte Pindo

Os Concellos de Carnota, Dumbría e Mazaricos propoñen a certificación deste espazo como destino de turismo científico Observer
Ruta acondicionada polo Monte Pindo
En marcha o proxecto de sinalización e mellora da seguridade no Monte Pindo

Moita polémica houbo este verán arredor dos sendeiros do Monte Pindo, e os polo menos 3 rescates que houbo que realizar. Unha problemática provocada polos retrasos burocráticos da Xunta de Galicia, que non conseguiu acondicionar as rutas ata principios de outubro.

Ante esta situación, e tendo en conta que o Concello non ten potestade para actuar nos terreos, é a Deputación a que toma o relevo, tralo proxecto, moi ben deseñado e moi completo, proposto dos concellos de Mazaricos, Dumbría e Carnota. Un proxecto que ademais proponse obter a certificación deste espazo como destino de turismo científico Observer.

XUNTANZA MONTE PINDO
Imaxe da reunión entre concellos e Deputación

O obxectivo fundamental do proxecto é a sinalización e mellora da seguridade do Monte Pindo coa finalidade de evitar situacións de visitantes que se extravían nesa contorna, máis tamén a mellora da calidade turística do espazo. “Temos que ter en conta que o Monte Pindo é un recurso de primeira orde tanto da provincia como de toda Galiza, cunha compeñente xeolóxica moi potente e cunha tradición oral e unha mitoloxía riquísimas, que cómpre ordenar e poñer en valor como un produto turístico de cara a configurar paquetes e comercializalos no mercado” asegurou Xosé Regueira tras a xuntanza.

O vicepresidente da Deputación tamén indica que “o propio Monte Pindo xunto coa fervenza do Ézaro é un recurso paisaxístico mundialmente coñecido, polo que ademais da sinalización e da mellora da seguridade tamén vemos neceario ordenar o acceso de cara a evitar unha presión excesiva sobre estes recursos naturais”.

Acordaron marcar un prazo ata xanerio de 2022 para avanzar na tramitación administrativa do proxecto e posteriormente comezar a escalar as diferentes fases.

Novas relacionadas

Patrimonio Pindexo

Comentarios