Completísmo prevese o Concurso de Comparsas de Cee, que se celebrará este Sábado de Piñata, cun desfile que arrinca ás 17:00h para dar paso ao Concurso nunha carpa na praza 8 de marzo. Se o ano pasado xa batían marcas, este ano a ver a que hora acaba a cousa, porque ata 8 comparsas se presentan ao certame!

Poderemos ver ás comparsas de Gures, Lires e Buxantes, que xa as disfrutamos en Fisterra emais en Dumbría, pero seguro que traen algunha sorpresa para casa. Tamén teremos a outros da casa, uns que nunca fallan, os de Terra de Sena. Pero é que este ano hai comparsa de Corcubión, volverán os de Louro e os da Trubisquiña de Vimianzo, e tamén de Laraño, Santiago.

A comparasa gañadora, levará 750€, o 2º Premio será de 600€, o 3º de 500, o 4º de 400, o 5º de 300, o 6º de 250 e as Comparsas clasificadas do 7º ó 9º posto, se as houbese recibirían unha axuda 200 € cada unha. Ademais, a carroza gañadora levará 450€ de premio, 350 a segunda e 250 a terceira.

O nome das comparsas é o seguinte:

• 1. RIO ROCK” (VIMIANZO).
• 2. OS EMOJIS DO SENA (CEE).
• 3. BUXANTES CALIDADE (DUMBRÍA).
• 4. A RUEIRADA: US NAVY 1950 (LOURO).
• 5. OS ESPANTALLOS MARCHOSOS (LARAÑO-SANTIAGO).
• 6. DE CIRCONADA (GURES-CEE).
• 7. OS GONDOLEIROS (CORCUBIÓN).
• 8. SÁLVAME DOS DE LIRES (LIRES-CEE).

Quentando motores no IES

E mentres, a pasada fin de semana servíu para ir quecendo motores. Por exemolo, o pasado venres 13 de febreiro de 2015, celebrouse un Festival de Entroido no IES Fernando Blanco de Cee, no que participou toda a comunidade educativa.
Houbo premios para os disfraces máis orixinais, actuacións musicais, concursos e moitas risas. Un grupo de profesores e persoal non docente montaron o poboado de Astérix, preparando a poción máxica para vencer a César e os romanos que, como diría Obélix, están tolos.
Houbo un grupo de minions aos que non lles faltou o seu amo Gru, comandos das forzas armadas, catwomen e moitos máis disfraces.

APEM e ASPADEX non fallan

Ademais, non fallaron os bravos de APEM. O pasado luns 16 de febrero celebrouse no centro que a Asociación Pro Enfermos Mentales (APEM) ten na localidade de Cee, unha festa de entroido que este ano tivo como temática “DISCO APEM”. Para este acto contamos coa colaboración dos alumnos da academia de baile “Arte e Movemento”que foron os encargados de abrir o baile. Tamén participaron familiares e amigos, que xunto coa actuación dos nosos usuarios e traballadores, fixeron da tarde unha xornada diferente, animada e chea de alegría.
Rematouse a festa cunha chocolatada e merendola para todos os asistentes.

E que podemos dicir dos divertidos usuarios de Aspadex, que estiveron en Corcubión, en Dumbría e tiveron tempo para celebralo no seu propio centro!!

Novas relacionadas

• 2015: Cee volve centrar o entroido no Sábado de Piñata:
• Entroido Cee 2014: O Entroido de Cee batíu marcas de participación e retranca.
• Entroido Cee 2010: As parroquias reivindícanse no Entroido de Cee .

Entroido 2015

• A retranca, polas veas de Fisterra.
• Fisterra afía a copla co Desfile para a gran cita do Entroido.
• Un entroido moi bailongo en Vimianzo.
• O Caietano protagonizou un entroido reivindicativo no mar de Laxe.
• Un entroido de Circo en Dumbría.
• Os coles, os primeiros en estrear o Entroido.

Fonte

• Redacción de QPC (info@quepasanacosta.gal).