Non é o primeiro ano que a Costa da Morte ten participación no concurso a nivel nacional de MusicAula. O ano pasado coñeciamos aos membros de Nordés Project, a proposta ceense no concurso, e precisamente aí ser se forxou a semente da nova banda que participa neste estival Pop-Rock nacional que dá a posibilidade ao seu gañador de gravar un EP e unha xira promocional por toda España. De feito, xa podedes Votar á banda ceense.

Falamos de AnaKrusa, grupo formado por Santi Betancourt, baixista e percusionista; Guilhe García, guitarra solista; e Dani Castiñeira, guitarrista, teclista e vocalista. “Tocamos dende grandes éxitos da historia do rock, dende Guns&Roses ata Pink Floyd ata éxitos do pop rock español dos 90 e dos 2000. Polo tanto pódemos definir o noso estilo como Indie Rock”, cóntanos o propio Dani.

AnaKrusa nace en novembro do ano pasado no Café Bar A Parada, cando os tres compoñentes, os tres nacidos no 1997 (18 anos) se xuntan “un día calquera para tomar algo”. Dani explícanos como foi a cousa: “Meu irmán, dono do bar, dixérame nalgunha ocasión de tocar algo no local e comenteillo a eles, xa que somos amigos dende pequenos e sabíamos as nosas posibilidades. Dese xeito empezamos a ensaiar e a finais de novembro demos o noso primeiro concerto no Parada cun ''padriño'' para nós que foi o escritor Suso Bahamonde, que colaborou recitando algo co grupo”.

E segue a historia da banda. “A partir dese momento comezamos a dar concertos por Cee e en febreiro sacamos o noso primeiro tema propio producido por outro grande da cultura da costa como é Leo KCH. Actualmente estamos metidos no concurso Musicaula, e ata o día 26 de abril están as ser as votacións para a gran final, que se realizará en Getafe, Madrid. Esperamos a vosa axuda”.

Por suposto rapaces, moita sorte!! Pero antes imos ver que nos contan:

Aquí vos deixamos cun tema propio, Outcast, que soa moi ben:

E aquí, cun mítico que tamén dá gusto escoitar:

E aquí un Pink Floy que dá conta da calidade:

Concertos

Atentos, que este vindeiro venres 24 de abril estarán no Pub O Muíño de Louro.

Máis información

• Vota por AnaKrusa en MusicAula 2015.
• Facebook de AnaKrusa.

Máis novas musiqueiras

• O Colectivo Badlaifé dá o salto e xa graba rap en italiano.
• Terbutalina vai A Muerte nos Premios da Música Independiente.
• Serj amosou o orgullo costeiro na presentación do seu disco Velaivén.
• A Caverna de Muros dá a alternativa ás novas bandas da zona.
• Un par de dilleis nas cavernas de Muros.
• Maestro Romero, un par de músicos muradáns con pouca vergoña e moito sentimento.
• Unha BSO roqueira por e para Carballo.
• Un Concurso Cavernícola para dinamizar a vida musiqueira da contorna de Muros.
• Grand Soul Band, o grupo de Santa Comba que vai camiño do Azkena Rock.
• A banda costeira The Suffering presenta o seu primeiro proxecto musical.
• Escolma de bandas costeiras – A Axenda Sonora da Costa da Morte segue crecendo.
• Serj cántalle á súa Costa da Morte.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.

Fonte

• Redacción de QPC ([email protected]).