Maña sábado 14 de setembro hai cita solidaria en Cabana de Bergantiños, pero a Asociación Española Contra o Cancro xa prepara outra andaina.

Esta mañá de venres preséntase en Cee a primeira Andaina Solidaria “En Marcha Contra o Cancro Cee-Corcubión-Dumbría”. A AECC e os Concellos implícanse para conseguir fondos para mellorar a investigación do cancro, ao mesmo tempo que fomentan a actividade física para promover hábitos de vida saudables e promover prevención contra enfermidades.

Esta primeira edición conxunta celebrarase o 5 de outubro ás 10:30 horas, e comezará dende a Praza da Muller de Cee. A Xunta Local da Asociación deste concello organizará o evento e contará coa colaboración dos concellos de Corcubión, para por onde pasará un tramo da ruta, e Dumbría, cuxos veciños están moi implicados e sempre participan nas actividades da Asociación.

A inscrición pódese facer a través dos teléfonos da Xunta Local de Cee (651 42 99 20 / 666 78 84 00) ou a través desta páxina web.
O prezo é 5 euros para adultos e 3 euros para nenos ata 12 anos.