Mércores. 01.12.2021
El tiempo

A defensa da Atención Primaria tamén se debatirá no pleno de Cee

Manifestacion en Compostela Sos Sanidade Publica2
Imaxe da manifestación deste pasado domingo en Compostela en defensa da Atención Primaria
A defensa da Atención Primaria tamén se debatirá no pleno de Cee

Trala manifestación celebrada esta fin de semana, con peregrinación reivindicativa costeira incluída, tócalle aos concellos mover ficha para evitar o desmantelamento da sanidade pública galega. Nese senso, o BNG de Cee vai presentar no pleno a moción que a Plataforma SOS Sanidade Pública está promocionando na defensa da Atención Primaria.

Dende o BNG lembran que a Atención Primaria apenas supoñen o 12 % do orzamento sanitario total en Galicia, e que tralo parón por mor da pandemia, agora hai que facer un esforzo extra para recuperar as 3.000 das intervencións cirúrxicas, 600.000 consultas e 20.000 probas diagnósticas que se tiveron que adiar.

Polo tanto, dende o BNG solicitan que se recuperen as consultas presenciais e limitar as consultas telefónicas ou telemáticas a unha actividade asistencial complementaria; que se contrate debidamente o persoal aplicando un “Plan de Mellora da Atención Primaria”, e que para todo iso se incremente o presuposto sanitario, destinado a Atención Primaria, polo menos ata o 25% do presuposto.

Novas relacionadas coa Atención Primaria

comentarios