O BNG pregunta no Parlamento pola ría de Corcubión e a dragaxe de Laxe

Dúas das necesidades do mar da Costa da Morte dende tempo atrás, voltaron, outra vez, ao Parlamento Galego. Fixérono onte, cas preguntas do BNG, sobre o saneamento da ría de Corcubión, e sobre as obras de dragaxe do porto de Laxe.

Como está o saneamento da ría de Corcubión?

Dende fai xa tempo, o BNG ven denunciando a falta de actuacións da Xunta para garantir un bo estado da augas da ría de Corcubión. As análises deixan ver as claras que a contaminación por augas fecais seguen a ser, dende hai anos, o principal problema, e que veñen dados polo mal funcionamento da depuradora que da servizo aos concellos de Corcubión e Cee, ademais de que os vertidos directos, a un e a outro lado da ría, son contínuos.

Augas de Galicia anunciou hai tempo a elaboración dun estudo para subsanar as deficiencias do saneamento, así como os problemas coas augas pluviais, no que se ía invertir uns 240 mil euros, mais a día de hoxe nada se sabe do mesmo.

Deste xeito, o BNG rexistraba onte no parlamento galego varias preguntas sobre o estado da ría, así como do estado dese estudo. “De estar acabado deberíase saber as conclusións para poder cuantificar a inversión necesaria para correxir os problemas. De non ser así, queremos que se informe a cidadanía de para cando vai estar e o estado actual do mesmo”, solicitan.

Preguntando pola dragaxe en Laxe

Nin a unión en agosto da confraría e grupos municipais para esixir os traballos de mellora provocou unha reacción real á Xunta neste vella demanda. A pesar dos compromisos adquiridos para resolver os problema de inseguridade no porto de Laxe e o basculamento do areal, non hai novas dos traballos de mellora. De feito, o voceiro popular Durán, só falou das dificultades técnicas para acometer a dragaxe da dársena, ademais de dicir que non é “Harry Potter nin ten unha variña máxica”. “O sector está esperando pasos concretos e vostede só responde con obras menores”, critica o BNG.

Van máis de 25 anos facendo estudos e “sempre acabamos igual, boas palabras pero ningunha medida para resolver o problema”, criticou o nacionalista.

O BNg lembra que na semana de Reis do 2014, naufragou un barco de 10 metro de eslora provocando o pánico entre o resto das embarcacións. Ante o acontecido, dixo, Portos de Galiza constituíu unha Comisión de Seguimento coa Corporación Municipal e Costas do Estado para planificar o programa de actuacións. Dentro destes compromisos, e por orde de prioridades figuraba a dragaxe da dársena, a retirada do actual contradique e o compromiso de redactar e construír un novo contradique no lugar de Besugueira pero na última reunión con Portos, confirmou que os traballos de dragaxe se paralizaban ata a primavera do 2015, “deixando os compromisos sen efecto”.

Novas relacionadas co saneamento da ría de Corcubión