Xa pasaron 7 meses dende que os profesionais do mar lanzaban a alarma sobre o deterioro do servizo de saúde marítima de Corcubión. E o único que levan recibido os 1.400 profesionais afectados (traballadores do mar de Cee, Corcubión, Fisterra, Muxía, Camariñas, Laxe, Ponteceso, Carnota e Malpica) son máis alarmas sobre a posible centralización do servizo.

Un servizo, o do Instituto Social da Mariña de Corcubión, tremendamente precarizado neste último ano, onde non se substitúe a baixa do médico (si se cubrirá unha soa mañá para todo o mes de febreiro), polo que os profesionais teñen que desprazarse ata Coruña para facer o recoñecemento médico ou facer a revisión dos botiquíns, dous requisitos imprescindible para saír ao mar.

A súainestable situación do será debatida este xoves debatirase na comisión de pesca do Parlamento Galego a pregunta levada polo BNG. O grupo preguntaralle á Xunta que medidas vai tomar para “reforzar a plantilla para garantir o servizo médico marítimo que o sector require”.

O BNg preguntará por ese interese de “reestruturación” que xa avanzara a directora do ISM e que fixo saltar todas as alarmas do sector, ante a evidente intención de trasladalo á Coruña.

O portavoz do BNG en Corcubión, Lois Lado, denuncia que “unha vez máis o PSOE desmantela servizos que se prestan aos mariñeiros e ás mariñeiras, mentres que o PP dende a Xunta non realiza ningunha xestión para esixir o traspaso das competencias do ISM e por conseguinte da sanidade marítima que tan necesaria é para os traballadores e traballadoras do mar”. Lembra Lado que “a última reestruturación do Instituto Social da Mariña foi executa polo goberno socialista no ano 2009 e supuxo o peche das oficinas de Laxe e Muxía e tamén se prevía o peche da oficina de Fisterra”.

NOVAS SOBRE O ISM

• Outubro 2020: 150 profesionais do mar concentráronse pola recuperaión do servizo médico no ISM de Corcubión.
• 09-10-2020: O colapso dos ISM fai peligrar a validez do recoñecemento médico obrigatorio dos mariñeiros/as.
• 28-09-2020: Critican a falta de contudencia dos alcaldes/as socialistas da comarca ante o posible peche do ISM.
• 25-09-2020: A Subdelegada do Goberno recoñece que non se pode cubrir a praza de médico do ISM pero afirma que non se vai pechar.
• 24-09-2020: A directora do ISM non cobre a praza do médico, deixa aberta a porta ao peche e mesmo fala de privatizar o servizo.
• 14-09-2020: ISM e xubilación: O BNG escoita as demandas do sector do mar en Corcubión.
• 09-09-2020: “As respostas que nos dan ante a falta de servizo do ISM son un vacile”.
• 09-09-2020: Novas queixas ante a reiterada baixa do médico e o posible peche do ISM de Corcubión.
• 08-09-2020: Alertan da posible perda do servizo do ISM de Corcubión.
• Agosto 2020: Os profesionais do mar denuncian a falta de médico para realizar o recoñecemento médico obrigatorio.