”O Consello Escolar do IES Pedra da Aguia da Ponte do Porto (Camariñas) está indignado polos recortes que levan sufrindo nos últimos anos”. Así de crú é o último comunicado que nos envían dende o centro de ensino camariñán, ante o agravamento da situación neste comezo de curso 2014/15, que lembremos, é o primeiro trala posta en vigor da polémica Lei #LOMCE.
Así o avalan as cifras pois o centro, desde o curso escolar 2009/10 perdeu un 30% do profesorado mentres que a matrícula só se reducíu nun 18%.

Dende a Ponte denuncian que “xa iniciado este curso, agravouse a situación coa redución horaria da Mestra Especialista en Audición e Linguaxe, pasando de xornada completa a media xornada de dedicación ao noso alumnado, o que implica o abandono do alumnado con necesidades educativas especiais máis acusadas na área da linguaxe”.

Aí chegaba unha nova e dura negativa da Xunta con máis recortes ante a denuncia pública do centro. Así, e tendo en conta que xa ao inicio deste curso 14/15 suprimiran outra media praza no centro, atópanse neste momento cunha especialista menos en Apoio.

Pola contra, o número de alumnos con Necesidades Edcucativas Especiais incrementouse e só dispoñen dunha profesora e media para atendelo.

Ante a situación, tócalles reflexionar dende o centro: “Nos derradeiros anos estamos asistindo a unha redución paulatina de profesorado, ano tras ano. Tendencia que, se non se frea, vai repercutir moi negativamente na calidade do ensino”, valoran coa pouca esperanza de que cambien as tornas.

Novas sobre a loita contra a LOMCE

• Os recortes nas escolas xa están na rúa.
• 07-11-14: A ANPA A Granxa retoma o Pedibús pero tamén as mobilizacións-protesta.
• A comunidade educativa non queda calada ante os continuos recortes.
• Abrazando o ensino público contra a LOMCE.
• A Xunta responde con máis recortes ás denuncias públicas do IES Pedra da Aguia.
• 29-10-14: O IES Pedra da Aguia denuncia un novo recorte no horario dunha mestra a metade de curso.
• A ANPA A Granxa xa colleita sinaturas contra os recortes.
• As ANPAS dos Muíños e CEIP Bergantiños alzan a voz de novo contra os recortes.
• As familias aprenden a educar ca Fedanpa.
• A Fedanpa empeza o curso #LOMCE en clave de loita.
• Os recortes no CPI Xosé Pichel indignan aos pais de Coristanco.
• O grupo de 4º de Primaria que non tiña titor.
• O IES Pedra da Aguia critica o recorte de mestres no comezo do primeiro curso LOMCE.
• Parches en 16 centros educativos da bisbarra.
• A Xunta anuncia que manterá aberta a Escola de Carnés.
• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.

Fonte

• Redacción de QPC (info@quepasanacosta.gal).