A nova serie de mobilizacións do Comité de Xeal tiña onte o seu cumio cunha concentración ás portas do edificio administrativo da Xunta, en San Caetano. Unha concentración para “reclamar, máis unha vez, a súa intervención diante do incumprimento das cláusulas das concesións e para que lle exixan á empresa o cumprimento da sentenza do TSXG”. Demandaron ademais “a reversión dos dereitos de explotación das centrais hidroeléctricas, o cese da represión sindical e a adopción de medidas contra o coordinador que foi sentenciado xa en primeira instancia por acoso sexual”.

O Comité considera que a caída da produción, e a perda de máis de 30 traballadores fixos os últimos 3 anos demostran que a empresa non está respectando esas cláusulas.

Pero as razóns para mobilizarse son moitas máis as estas alturas, como é o caso do condenado en primeira instancia por acoso sexual, que “segue traballando sen problema ningún, non lle aplicaron ningún expediente na empresa e porén, un compañeiro do comité que foi declarar como testemuña nese xuízo despedírono. Isto é oi mundo ao revés”, aseverou.

Paralelamente a empresa deixou caer o convenio colectivo, erguéndose da mesa de negociación, e aplicou o convenio do sector do metal, que ten menos puntos favorables para os traballadores.

Vía penal

O comité avanzou que tamén presentará denuncia no xulgado do penal contra os incumprimentos da empresa e as posibles complicidades que podan darse por acción ou inacción nos entes públicos ou calquera outra institución, así como polos acordos argallados entre Ferroatlántica e TPG, polo cal as fábricas de Cee e Dumbría pasaron a ser unha maquila de FerroGlobe, supeditadas ás decisións deste grupo pero fóra do mesmo.

Reunións políticas

O comité mantivo onte unha xuntanza co grupo parlamentario do BNG e hoxe cos do PP e PSOE e coa directora de Relacións Laborais.

NOVAS RELACIONADAS

• 23-02-22: O BNG amosa o seu apoio ao Comité de XEAL e esixirá á Xunta que actúe.
• 17-02-22: Os traballadores de XEAL volveron a concentrarse diante do Concello de Cee.
• 11-02-2022: A Xunta non mediará no conflito XEAL.
• Febreiro 22: Os traballadores de XEAL volveron ás mobilizacións, cada vez con máis motivos.
• Xaneiro 21: A CGT critica o despido dun traballador de XEAL só por defender no xuízo á compañeira vítima de abuso sexual.
• Xaneiro 22: O Comité de XEAL pide que a Dirección tome medidas “contundentes” contra o responsable condenado por acoso sexual.
• Decembro 21: A CIG levará a agresión ao presidente do Comité de XEAL aos Xulgados.
• Decembro 21: XEAL rompe as negociacións e deixa sen convenio colectivo aos seus traballadores.
• Decembro 21: A CIG denuncia unha agresión contra o presidente do Comité de XEAL.
• Novembro 21: O Comité de XEAL apoia nos Xulgados á traballadora que sufríu acoso dun superior.
• Xullo 21: O Comité de Xeal denuncia un presunto caso de acoso sexual dun alto cargo próximo á dirección.