Quinta xornada de declaracións no Marco do Xuízo pola traxedia do “Prestige” na Costa da Morte. E a nota máis destacada é que a suspensión das vistas ás 11:50h trala petición da avogada da defensa do ex Director Xeral da Mariña Mercante. Unha decisión moi protestada polo avogado de Nunca Máis.

A xornada comezaba coa declaración de Nikolaos Argyropoulos, Xefe de Máquinas do mercante sinistrado, a preguntas do avogado da defensa de Mangouras e da avogada do estado encargada da defensa de José L. López-Sors.
Argyropoulos tería recoñecido nun fax que o mercante viaxaba cunha única caldeira (a de babor) en estado plenamente operativo. Fai referencia a letrada a un fax, asinado polo anterior capitán do mercante, na que xefe de máquinas recoñecía que o mercante viaxaba coa súa maquina en estado operativo, si, pero con defectos importantes que minguaban a súa capacidade en condicións extremas.

Problemas na máquina e incongruencias

Preguntado pola avogada a Argyropoulos si lembra que dixo en Corcubión que o barco “tiña unha fisura”. “Non podo precisar si era así nin o tamaño que tiña”. O xefe de maquinas amosa certa discrepancia co que el mesmo declarou en Corcubión, o afirmar hoxe que foi unha onda “fenomenal” a que chocou co mercante, extremo o que non fixo mención algunha na xulgado corcubionés.

Xa na súa quenda, o avogado da defensa do propio Argyropoulos, Paulino Riveiro, preguntaba a este polo dia do accidente para xustificar que “aínda que non era a miña labor” o técnico participou cando lle foi requirido nas tarefas de rescate e remolque do mercante.

Nunca Máis amosa o seu malestar

O máis salientable da xornada sucedía o remate da mesma cando uns trinta membros da plataforma Nunca Máis amosaban, no interior da sala primeiro e logo as portas da mesma, unha performance (segundo a definía o propio presidente do tribunal) con camisetas na que amosaban o seu malestar pedindo que “Na Galiza, impunidade Nunca Máis”.

Neste senso se expresaba o propio voceiro da plataforma, Xaquín Rubido, quen insistía en non crer na imparcialidade do tribunal, entre outras cousas, o non poderse utilizar o galego na vista. Sobre este particular, o presidente da sala José Luis Pía, expresou a intención do tribunal de que se solucione para que maña o letrado de Nunca Máis pregunte a López-Sors nesta lingua.

Por outra banda, a sesión de hoxe quedaba suspendida despois de que a maioría dos letrados presentes na sala se adherise a petición da avogada defensora de Lopéz-Sors, que pediu a suspensión por considerar que se podería producir indefensión do seu representado. Para o avogado de Nunca Máis, Pedro Trepat, esa suposta indefensión non era tal e por iso solicitou que se continuase coas vistas.

Finalmente a presidencia decidía a suspensión ata maña as nove e media da mañá, cando se retomaran as vistas.

• José Luís Louzán, enviado especial de QPC e GC.

Seguemento especial do Prestige, gracias a Suministros Lar

• 20-11-12: Mangouras: “Sen as decisións das autoridades españolas a contaminación non tería chegado ao Cantábrico”.
• 20-11-12: Mangouras no Xuízo Prestige: “O rumbo que nos deron era erróneo”.
• 15-11-12: Mangouras considera que o mercante debeu ser levado á “ensenada de Corcubión” para trasegar alí a carga.
• 15-11-12: O Xuízo Prestige ao minuto: Mangouras asegura que había que fondealo barco.
• 13-11-12: Magouras: “Leváronnos nun féretro flotante a afogar”.
• 13-11-12: Mangouras declarando 10 anos despois.
• 19-10-12: Entrevista a Pedro Trepat Silva, avogado da Plataforma Nunca máis no Xuízo pola traxedia do “Prestige”.
• 18-10-12: Xuízo do Prestige, Día 2.
• 17-10-12: Xuizo do Prestige, Día 1: Os acusados.
• 16-02-12: QPC fará un seguemento especial do Xuizo do Prestige.

Novas relacionadas

• Muxía celebra a súa homenaxe aos Voluntarios 10 anos despois.
• Un libro sobre o cambio social de Galicia que supuxo a marea negra.
• Unha marea negra de papaventos invadirá a Costa da Morte.

Fonte

• Redacción de QPC ([email protected]).