Orgullosos e satisfeitos rematan por Carballo o #RexeneraFest17. Aínda cun par de obras sen rematar (farano durante luns e martes), 9 artistas deixaron a súa pegada de cor na vila carballesa. 9 grandes e feas fachadas de edicifios son xa 9 fermosos óleos de pura arte urbana internacional. Un xeito de humanizar as rúas, de darlle vida a unha vila urbanisticamente apocalíptica, que a base de cor, está chegando a ser ata atractiva. Todo, baixo o paraugas dunha iniciativa municipal, feito que hai que valorar pola escaseza de Concellos que aposten polo graffiti como forma artística que mellora a contorna. Así o comprobaron os máis de medio centenar de persoas que se achegaron ao roteiro guiado polas obras en marcha deste pasado domingo. Alí puideron comprobar o traballo do galego Sekone na rúa Avenida de Fisterra; dende Cambre, Yoseba MP deixou a súa vella heroína “Obelixa” na rúa Vila de Negreira; a catalana Cinta Vidal na rúa Vázquez Parga; o tamén catalán Saturno nunha das paredes do edificio do FORUM; dende Arxentina, AnimalitoLand, pintou un dos edificios da rúa Río Anllóns; o italiano Jorit deixou a súa pegada na rúa Luís Calvo; dende México, a Curiot tocoulle na rúa Gardenias; os galegos Nada/Isaac Fafián na rúa Doutor Fleming; e o galego Isaac Cordal na rúa Saúde. O festival incluíu ademais unha serie de conferencias e un fin de festa a base de música. Unha das obras do Rexenera Fest 2017 Roteiro guiado no Rexenera Fest 2017

Máis información

• www.rexenerafest.gal.
• Facebook “Rexenera Fest”.
• Facebook “Derrubando Muros con pintura.
• Turismo Carballo: Guía práctica para visitar os graffitis de Carballo.

Novas relacionadas

• 2017: O Rexenera Fest enche de cor as fachadas de Carballo.
• 2017: O Rexenera Fest de Carballo reúne a nove artistas internacionais do 29 de maio ao 4 de xuño.
• 2017: Carballo convírtese no referente en arte urbana co Rexenera Fest
• Cinco artistas en arte urbana abren o Rexenera Fest
• Carballo Rexenera as súas rúas cun festival internacional de arte urbano
• As pintadas carballesas seguen derrubando muros.
• A documental que derruba muros con pintura.
• Paredes que modernizan.
• Aprendendo a ser actor, director, maquetador….
• #ForoMobilidade: Carballo repensa o seu modelo de cidade.
• Graffitis que humanizan Carballo.
• Pintando muros para derribar barreiras.
• Os muros convírtense en Murais.

Fonte

• Redacción de QPC ([email protected]).
• Concello Carballo