E chega a Semana Santa e o fútbol non decae. Unha Semana Santa soleada que nos permitirá disfrutar de boas doses de deporte. Como en Xaviña, onde os máis peques serán protagonistas do I Torneo de Fútbol-8 de Buño, que se celebrarán os 2 e 3 de abril no campo malpicán.

Pero tamén teremos competicións ligueiras e copeiras. Saben que se as táboas ligueiras están sempre accesibles en www.futboldacosta.com, os cadros copeiros se actualizan nada máis rematar os partidos en www.copadacosta.com.

Por exemplo, teremos xornada na Preferente - Senra Sport con choques complicados. E tanto para o cadro xalleiro, que recibe ao poderoso líder, un Negreira que pelexa cóbado con cóbado co Noia, e que necesita os puntos de Fontenla. Ademais, o Dumbría visita ao Riveira o aoves, equipo co que loita na zona morna.

Descansan as Ligas de 1ª (se ben o Malpica xoga o partido aprazado polo pasamento de Pombo), 2ª e 3ª Autonómica, pero teremos algún que outro amistoso, como o derbi entre Camariñas e Porteño polo Torneo da Mostra do Encaixe. A cita, o xoves ás 18:00h no Hermanas Patiño.

O que si teremos é doble sesión xuvenil. Xa temos listo o Sorteo da Copa da Costa Xuvenil, pero antes da xornada sabatina de Oitavos, toca rematar a Liguilla Previa este xoves, na que Zas e Malpica se xogan o pase aos Oitavos.

Temos tamén Ligas Autonómicas, cos choque do Dumbría (xogan hoxe mércores) e XSC cadete, este último máis necesitado de puntos.

Ademais, sorprenden os calendarios irregulares dos máis pequenos. Esta Semana Santa teñen partido os das ligas Alevín e Benxamín Costa Sur, unha liga que comezaba en novembro e que rematará a comezos de maio. E sen embargo non hai partidos no Norte, nunha liga moito máis curta, que arrincaba en febreiro e rematará en xuño…

Os Veteranos tamén descansan así que a xornada queda do seguinte xeito:

Preferente - Senra Sport, xornada 30

1ª Autonómica, xornada 19

Liguilla Previa da Copa da Costa Xuvenil, xornada 13 e última

• Descansa Cee.

Copa da Costa Xuvenil, Oitavos (partido único)

División de Honra Cadete - Aluminios Dumbría, xornada 30

Liga Galega Cadete, xornada 30

F8 Alevín Costa Sur, xornada 21

F8 Benxamín Costa Sur, xornada 21

Crónicas da semana

• Veteranos: O Coristanco retoma o mando a falta de 3 xornadas.
• Ligas Galegas: O XSC albisca a salvación.
• 3ª Autonómica: O Cerqueda dá o salto e deixa dúas loitas abertas.
• 2ª Autonómica: O Zas non perdoa.
• 1ª Autonómica: Unha xornada de luto para esquecer.
• Preferente: 4 puntos contra os colistas.
• Análise e resultados dunha xornada futboleira de luto.

Primeiros títulos colleitados

• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Novas relacionadas

• O Fútbol da Costa rende homenaxe a Álex Pombo.
• O álbum de cromos do Sofán: “Raúl, fírmasme un autógrafo?”.
• A vida de Donato nun libro con acento costeiro.
• Novo repaso aos Pichichis do Fútbol da Costa.
• Malpica acollerá un novo curso de Monitor Deportivo.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).