Preferente: 4 puntos contra os colistas

Preferente: 4 puntos contra os colistas

07:35 30/03/15

Adrian Nieto celebra un dos tantos ante o Dorneda-Foto-Dumbria CF

Tiñan os equipos costeiros nesta xornada 30 da Preferente - Senra Sport un doble enfrontamento contra os dous últimos clasificados. E unha vitoria e un empate foi o balance. A vitoria do Dumbría que ascende á 8ª praza e esquece, tras unha xeira de 4 vitorias nos últimos 6 partidos, a zona baixa.

Pola contra, o XSC non pasaba do empate na súa visita ao pechacancelas, un histórico como o Betanzos en verdadeiros apuros. Os xalleiros levan unha soa vitoria e 6 derrotas nos últimos 8 encontros polo que non poden deixar de mirar o retrovisor.

Betanzos - Xallas StComba (0-0)

XSC: Vicente, Rubén Forján, Oscarín, Rubio, Aarón, Jota, César, Jesús, Choco )Joshi, min.85), Doro e Vía Rápida (Kevin, min.85).

Saíu durmido ao principio do partido o cadro xalleiro e concedeu un par de boas ocasións que puideron costar caro. Unha que Aarón salva debaixo dos paus xa superado Vicente e outra que Dani non acerta no man a man. Estas sacudidas fixeron espertar aos de Coméndez que comezaron a presionar máis arriba e ter a posesión de balón, pero estando pouco incisivos de cara a porta.

Na segunda, saíron os visitantes con decisión a polo partido e tiveron varias ocasións claras da man de Choco, Doro, Jesús ou Vía, pero non estiveron acertados e o marcador non se moveu, deixando unhas táboas que se ben non lles serven para relaxarse defintivamente, si que vale para seguir sumando.

Dumbría - Dorneda (3-2)

11 do Dumbria ante o Dorneda-Foto-Dumbria CF

DUMBRÍA: Iván, Tantán, David Carreira (Alcaina, min.61), Jose (Roberto, min.80), Pablo Conde (Jano, min.61), Aarón, Iago, Rivi, Diego Cespón, Adrián Nieto (Darío, min.61) e Marcote.

Goles: 1-0, min.22: Adrián Nieto; 2-0, min.25: Adrián Nieto; 2-1, min.42; 3-1, min.70: Alcaina; 3-1, min.92: de penalti.

O mellor, o resultado. Non xogou o equipo de Canosa o seu mellor partido pero sumou, ante o penúltimo 3 puntos que lle permiten xa case dicir adeus a calquera problema co descenso. A pesar dos 5 goles non foi un bo partido, pero o cadro dumbriés tivo o resultado sempre controlado e o Dorneda non puxo en perigo nunca o marcador.

Adrián Nieto demostrou o seu olfato con dous goles consecutivos no ecuador da primeira. Recurtou o Dorneda antes do descanso pero, ca xuventude xa no campo, Alcaina ampliaou a renda sentenciando choque, pois o cadro visitante non recurtaría ata o desconto, xa sen tempo para meter medo aos dumbrieses.