Facemos hoxe un novo repaso ás táboas dos Pichichis do Fútbol costeiro. E o facemos coa axuda de Luís Porto, pois podemos asegurar que os seus datos son os máis fiables. I é que cada luns o malpicán compara as actas da Federación coas nosas crónicas, e coa nosa axuda comprobamos, preguntando equipo a equipo, cales son os datos máis acertados. Por certo, no 90% das ocasión os datos das crónicas QPC son os acertados polo que aproveitamos para facer un chamamento aos delegados e que revisen as actas antes de asinalas.

En todo caso, e cando quedan menos de 3 meses de competición, repasamos as táboas dos pichichis, disfrutando só con ver estes nomes.

Preferente

Xa vimos como a boa xeira dos Adriáns está mellorando os números do Dumbría. E vemos como o Makaay xa se coloca entre os 6 máximos goleadores da categoría, con 11 tantos, xa cunha media de 1 gol cada 2 partidos. Adrián Nieto conta, por agora, con 6 tantos.
Por aí temos tamén ao capi xalleiro Doro, con 8 tantos despois de tantas semanas fóra dos terreos de xogo por lesión. E aparece na zona alta Jesús, que iguala a un Pablo Muíño que agora fai goles na 2ª Autonómica para o Baíñas

1ª Autonómica

Segue a pelexa entre s pichichis costeiros moi igualada, e nas últimas semanas a eficacia de Raúl está salvando a mala xeira dos sofanistas, e lle permite alcanzar ao cormelán Alejo no alto da táboa. Os dous son ademais, os pichichis da categoría, pois a parte alta da táboa dos goleadores da 1ª está copada por pichichis costeiros, i é que o 3º e o 4º posto tamén teñen cores costeiras, como son MC e Cololo, que merecen menció aparte pois levan menos partidos que os seus competidores.
Tamén segue o soneirán Javi moi preto, e o seu compañeiro Basti.

2ª Autonómica

Segue implacable Piti, o mítico goleador do Volantes, no alto da táboa, e leva 22 goles, polos 19 de Javi Suárez, que pouco a pouco se vai achegando. Xa quedan máis distanciados os Yuyo ou o propio compañeiro laranxa de Piti, Espi, que tivo que deixar o equipo por motivos laborais e acabou fichando polo Queiruga, que lle queda preto da casa. O salto máis importante o notamos na figura de David Blanco, que cos seus goles está axudando ao Zas a meterse no liderato.
O primeiro defensa que atopamos e Ferreiro, o xogador do Carnota habitual nas xogadas de estratexia e especialista dende os 11 metros, xa leva 9 goles.

3ª Autonómica

Non para Luís. O eterno pichichi cabanés xa leva 20 goles en 23 partidos para o Nantón, e deixa a 3 a Lema, o novo e polivalente xogador do Corcubión. O pichichi do líder, Darío, e Mario do Ameixenda, veñen moi pegados.

Repaso aos pichichis

• 22-01-15: Aprétanse as táboas dos Pichichis costeiros.
• 10-12-14: Os vellos roqueiros toman os pichichis.
• 20-11-14: Un repaso a todos os pichichis do Fútbol Base da Costa.
• 05-11-14: Un repaso a todos os pichichis da Costa.

Crónicas da semana

• Corme e XSC a un paso dos títulos de Cadetes e Infantís.
• Xuvenís: XSC e Camariñas pegan primeiro.
• Ligas Galegas: 3 realidades distintas para os equipos costeiros.
• 3ª Autonómica: O Muxía métese, por fin, en postos de Promoción.
• 2ª Autonómica: O Zas asalta o liderato trala vitoria do Castriz ao San Lorenzo.
• 1ª Autonómica: Un derbi de porta a porta.
• Preferente: Por fin unha doble alegría.
• Análise e resultados dunha xornada con 83 partidos no Fútbol da Costa.

Novas relacionadas

• Malpica acollerá un novo curso de Monitor Deportivo.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).