Non estaremos faltos de Fútbol esta Semana Santa. Se temos unha Axenda cultura e festeira completa, teremos tamén citas futbolísticas para non ter unha tarde sen nada que facer. Temos Copa da Costa, en categoría de maiores e xuvenil; teremos xornada na Preferente, e teremos os partidos aprazados da 2ª Autonómica que porán as cousas en orde. Imos repasando, pero antes damos conta de que o CD Baio abríu de novo a exposición sobre os seus 50 anos de existencia, totalmente recomendable.

Comezando precisamente pola Preferente, cunha xornada partida entre xoves e domingo. O xoves teremos dous partidos, o do Dumbría en San Tirso, choque aprazado da xornada 24, e máis un vital XSC-Riveira, fundamental para o equipo xalleiro que pode case alcanzar a un dos seus rivais directos por evitar os arrastres.
Para o domingo quedan un Castro-Soneira sen nada e xogo, e un Dumbría-Bergantiños vital para as aspiracións de ambos conxuntos, cun Bergantiños que non é, nin moito menos, o da primeira volta, e un Dumbría que segue buscando a Promoción.

Como dicimos, despois desta fin de semana (e non era sen tempo) a clasificación da 2ª Autonómica volverá ser homoxénea e real, pois se disputan ata 5 encontros aprazados no seu día. O máis importante, o choque do Sofán no Carral ante todo un Outes, no que o cadro carballés non pode fallar para chegar á finalísima do Cairo da antepenúltima xornada con opcións. Pero ademais, Camelle e Porteño teñen unha boa ocasión para dar un salto e escapar da zona de perigo inmediato, se vencen a Cabana e Fisterra.

E por fin comeza a Copa da Costa. Temos este xoves 17 a ida dos Dezaseisavos, con choques ben bonitos (o Zas pasa de rolda pola retirada do IDC). Dos máis igualados, podemos apuntar o derbi entre Volantes e Esteirana.

E tamén temos Copa da Costa Xuvenil. Tralo sorteo do luns, os equipos empeñáronse en xogar a Previa a doble volta, polo que hai que xogar sábado 19, xoves 24, sábado 26 e xoves 1 de maio. Nesta ida dos Oitavos, hai varios choques bonitos, como o XSC-Dumbría, o Fisterra-Malpica ou o Ponteceso-Corme.
Como apuntamento, o San Lorenzo, trala baixa de Gueli no banco, queda nas mans do capitán Anxo.

Preferente, xornada 34

2ª Autonómica

Copa da Costa, Ida dos Desaseisavos

Copa da Costa Xuvenil, Ida dos Oitavos

Máis información

• APP “Fútbol da Costa” para Android.
• APP “Fútbol da Costa” para iPhone.
• www.futboldacosta.com.
• www.copadacosta.com.

Crónicas da semana

• 3ª Autonómica: O Ameixenda dá conta do Lira nunha 3ª que fai afección.
• 2ª Autonómica: O Corme dá outro paso adiante e o Muros un abaixo.
• 1ª Autonómica: A Esteirana suma cando Camariñas e Ponteceso xa se deixan ir.
• Preferente: O XSC aférrase á categoría.
• Resultados e análise da xornada dos 50 anos do Fútbol da Costa.

Artigos relacionados

• Xa chegaron os cromos da SD Fisterra.
• Lema Suárez: O 12 de abril, a data exacta dos 50 anos da Liga da Costa.
• O Gato parapenaltis.

O Album de cromos do #FutboldaCosta

• quepasanacosta.gal/album.

Fonte

• Redacción de QPC (info@quepasanacosta.gal).