Carnota e Muros viviron grandes e emotivos torneos
Se boa parte da bisbarra estaba na gran festa do #futboldacosta, Carnota e Muros tiveron citas nos respectivos municipais, que por certo, foron protagonistas.
Torneo de F7 de Carnota
Foi a ACDR O Patín de Carnota a organizadora deste III Campionato de Fútbol 7 Carnota 2013. 17 equipos participaron, chegando de toda a provincia, e de feito o nivelazo fixo que os primeiros postos marcharan lonxe da Costa. De feito, os costeiros que máis arriba quedaron foron os ceenses do Drinking Team, con xogadores como Parroto, Isma Leis, Diego Cespón ou Piquero, que quedaron 3º vencendo aos xalleiros de Deportes Alvite na final de consolación.
O primeiro posto marchou para Santiago, da man da Casa dos Morcegos que vencía na finalísima aos membros da Cervecería Esmorga de Negreira. Precisamente foron os nicrarienses os que eliminaron aos ceenses en semifinais.
I Torneo Eleuterio Balayo
"Unha das mellores persoas que houbo no mundo do fútbol muradán". Así definen en todo o Concello ao fundador do Muros SD, tanto os rivais como os antigos compañeiros, deste o que será o eterno presidente do Muros.
O sábado tivo lugar o "bautizo" oficial do campo municipal de Miraflores como Campo Eleuterio Balayo, coa celebración du torneo que enfrontaba a unha boa selección do Concello de Muros contra ao CF Dumbría.
Foron os locais os vencedores, tras superar por 4-1 (cos tantos de Edu, Manu, Sexo e Pesco para os muradáns e do novo Marcote para os dumbrieses). I é que contaban cun bo plantel formado por xogadores dos 4 equipos: Fabio, Teo, Dani, Manu e Sexo por parte do Muros SD; Dani Rama, Kike, Simón, Alex e Andel pola Esteirana; Iago, Varito, Mingos, Ivi e Nimo polo Volantes; e Chema, Canelo, Cosme, Pesco e Edu representando ao Montelouro.
E mentres, segue a emoción no Campionato de Barrios de Esteiro e para o 20 de xullo, Torneo do Volantes.
Crónicas da semana
Torneos
Artigos relacionados
- Alberto Pose: A miña homenaxe a un deses Presidentes que fan grandes o fútbol da Costa.
- Xosé María Lema Suárez: O ascenso, a celebración ideal do cincuentenario do C.D. Baio.
- Videoentrevista de Anxo Garrido con dous cadetes dumbrieses a piques de facer historia.
Novas relacionadas
- Os clubes de fútbol teñen ata o 30 de xuño para enviar as inscricións na tempada 2013/2014.
- A Gala do Fútbol da Costa xa ten convocados e xogarase probablemente en Outes.
- Os equipos costeiros de Preferente e 1ª non terán descanso pola Copa Deputación.
- Xa temos nominados para os Premios do Fútbol da Costa.
- 50 anos da Copa da Costa cos Oliver e Benji do Ghañan Style.
Fonte
- Redacción de QPC Deportes (deportes@quepasanacosta.gal).
