O Cances xa é líder en solitario tras a súa vitoria sobre a Peña Galicia e a derrota do Baldaio ante o Sporting Brea.

O equipo da parroquia de San Campio venciu ao Peña Galicia por un claro 1 a 9. Tras unha primeira metade na que ambos conxuntos tiveron ocasións, chegaríase ao descanso cun instantáneo de 1 a 3 favorables aos blanquinegros. Mentras na segunda metade, o líder demostrou unha espectacular pegada, facendo gol en cada unha das súas chegadas.

O Baldaio descolgase do liderato logo da súa derrota ante o terceiro clasificado, que o deixa a tres puntos do Cances ademais de ter un partido máis que o equipo que dirixe Manolo Rama. Os baldaieses e o Sporting Brea disputaron un partido moi reñido con poucas ocasións de gol para ambos conxuntos, unha das claes aproveitaron os visitantes para facer o definitivo 0-1 por medio do seu dianteiro Jorge.

O Rus volta á parte alta da competición tras vencer ao Sporting Seaia por un axustado 2 a 3 nun partido con moita polémica. Comezou adiantándose o equipo local mediada a primeira metade tras aproveitar un rexeite na área carballesa e cando estaba a piques de chegar o descanso empatarían os visitantes e co 1 a 1 no instantáneo, chegaríase ao tempo de lecer. Nada máis comezar o segundo tempo, os malpicáns, voltarían a poñerse por diante cun gol tempraneiro. O Rus voltaría a empatar mediada a segunda parte e confirmaría a remontada cun gol na recta final do encontro. O Sporting Seaia sería moi crítico coa actuación arbitral, xa que rematarían o encontro con 9 homes.

O Valenza venciu a domicilio ao Laxe (0-2), nun encontro que dominaron os locais en case toda a súa totalidade pero os laxenses non foron quen de materializar as súas ocasións, mentras que o Valenza aproveitou dúas das catro ocasións coas que contou para levarse os tres puntos. Cómpre destacar que o partido estivo condicionado polo forte vento presente no Cabo de Area durante todo o encontro.

No outro partido da xornada, A Piña e o Xornes empataron a un gol.

Goleadores

• Iván García, do Cereo CF, con 20 goles.
• Gonzalo Zas, do ADCR Baldaio, con 17 tantos.
• Enmanuel Varela, do Valenza Clube, con 15 dianas.

Máis información

• Táboas da Liga Intermunicipios de Bergantiños.

Novas relacionadas

• Liga FS Carballo: Asesoría Suárez e Cervecería Troula esperan o erro dos líderes.

Crónicas da Liga Intermunicipios

• X.15: Cances e Baldaio quedan sós na loita.
• X.14: Baldaio e Cances seguen ca súa loita.
• X.13: O Baldaio toma o relevo.
• x.12: O Cances pecha o ano no máis alto.
• X.11: O Cances recupera o ritmo.
• X.10: O Baldaio apreta a Liga.
• X.8: O Cances é máis líder.
• X.7: O Cances toma o relevo.
• X.6: O Cereo queda só.
• X.5: O Cereo venceu o duelo e alcanza ao Baldaio.
• X.4: Xornada de empates.
• X.3: O Baldaio recupera o timón.
• X.2: Cambio de Líder.
• X.1: Os favoritos comezan gañando con sufrimento.

Fonte

• Redacción de David Castro para QPC Deportes ([email protected]).