Martín Varela aparca a raqueta e sobe á bicicleta

07:15 02/11/16

Martin Varela con Wordl Fit

Hai unha semana que volvía adestrar Martín Varela tras 11 meses de parón por lesión. Facíao ademais con novos apoios de patrocinadores, apoios fundamentais para competir a este nivel. E esta pasada fin de semana foi completa.

O tenista cormelán asinaba un convenio de colaboración co ximnasio World Fit Carballo e a empresa Shop4fit quenes dotaron á Asociación Deportiva Vidú, que preside o propio Martín, dunha bicicleta de spinning FFTTECH Gold para que o cormelán comece a súa recuperación para afrontar os novos retos deportivos que ten en mente.

Xa o domingo 30 de outubro, Martín Varela realizou a súa primeira saída en bicicleta acompañado do seu máis fiel escudeiro Diego Pérez “Lanchiñas” e de Jose González, na que realizaron unha ruta de 38 quilómetros nos cales Martín se sentiu moi ben e con gañas de recuperar a actividade deportiva que lle volva a permitir estar no seu mellor nivel físico.

Triatlón

Martin Varela en bici

Polo de pronto, Martín Varela vai gardar a raqueta, e vai deixar nun segundo plano a modalidade deportiva que tantos éxitos lle dou para centrarse en recuperar o seu mellor estado físico practicando as tres modalidades que conforman o triatlón: ciclismo, atletismo e natación.
Vaise centrar nestas disciplinas porque nelas conta co apoio dos compoñentes de Enki, como son Diego Pérez “Lanchiñas”, Jesús Francisco Gómez Santos, máis coñecido como “XocoKorme”; e Andrés Calvete de Bicicletas “El Patio”, quen practican estas modalidades deportivas e ademáis compiten en triatlón, travesías a nado, maratóns, ironmans, etc.
Unha vez comece a recuperar o tono físico que lle permita afrontar a esixencia que conleva practicar deportes desta índole, Martín Varela empezará a marcarse novas metas no deporte adaptado.