Martín Varela pecha a tempada a golpe de títulos
Non puido disfrutar do soño das Olimpiadas, pero o cormelán Martín Varela non desiste. O integrante da Asociación Deportiva Vidú, competiu este fin de semana na primeira edición do Open Cidade de Móstoles. Tras proclamarse campión a semana pasada no Open de Ferrol, o cormelán decidiu competir nesta primeira edición do Open de Móstoles para dar por finalizada a tempada en canto a torneos nacionais.
De aquí a final de ano participará no Campionato de España por Autonomías e no Máster Nacional de tenis en cadeira de rodas.
Triunfo en Móstoles
No cadro individual Varela (nº 1 do ranking nacional) partía como cabeza de serie nº1 e alcanzaba a final esperada ante o rioxano Juanjo Rodríguez (nº 4 do ranking nacional) e segundo cabeza de serie do torneo.
En primeira rolda xogou ante o xogador cacereño José Calzada ao que superou con facilidade cun dobre 6/0. Xa en cuartos enfrontouse ao xogador madrileño Carlos Fernández, ao que vencía por 6/1 e 6/0.
En semifinais disputouse un dos mellores partidos do torneo, o que enfrontou a Martín Varela e ao mozo xogador local Roberto Chamizo (nº 6 do ranking). Chamizo proclamouse o ano pasado Campión do Mundo Junior se tenis en cadeira de rodas e este ano a pesar de non disputar moitos torneos mantén un bo nivel de forma.
O cormelán Varela xogou un moi bo partido, o que lle permitiu vencer en dous sets, 6/4 e 6/0. Chamizo realizou un bo primeiro set pero no segundo Varela mostrou un mellor estado de forma e fíxose co partido.
A final esperada disputouse o domingo 9 entre Varela e Juanjo Rodríguez. É a terceira final que disputan estes xogadores este ano en torneos nacionais e en todas venceu Varela. De novo un entonadísimo Martín non deu opcións a Juanjo e venceu na final por un dobre 6/2.
Na competición de dobres Varela fixo parella con Manuel Cantelar alcanzando a final do torneo, onde caeron ante a parella Chamizo-Gutierrez nun axustadísimo 6/7, 6/4 e 11-9 no super tike break.
Vindeiras probas
Martín Varela termina o ano vencendo nos torneos de Caspe (Aragón), Ferrol e Móstoles; ademais de proclamarse Campión de España e Campión Galego da especialidade neste 2012.
Máis información
Novas relacionadas
- Victoria de Martín Varela no Open de Ferrol.
- Martín Varela tamén arrasa no Campionato Galego.
- Martín Varela arrasa no Campionato de España vencendo en individuais e dobles.
- Martín Varela e a Selección Española petan con Asia.
- Martín Varela queda ás portas das Paraolimpiadas.
- Martín Varela escada postos na clasificación internacional tralo seu viaxe ás Américas.
- Martín Varela fai as Américas.
- Martín Varela comeza a tempada cara as Paraolimpiadas con necesidade de patrocinadores.
- Martín Varela convirte á Selección Galega na Campiona de España de tenis en cadeira de rodas.
- Martín Varela escacha ca risa.
- Martin Varela xa está entre os 60 mellores tenistas do mundo.
- Martín Varela segue colleitando triunfos e patrocinios para chegar a Londres 2012.
- Martín Varela, subcampión de España.
- Martín Varela leva á Selección Española á súa mellor posición nunha Copa do Mundo.
Fonte
- Nota de prensa de Esteban Varela.
