Tralas presentacións do II Desafío do Atlántico en Madrid e A Coruña, este mércores foi a quenda de Pontevedra. A Cafetería Savoy acolleu un acto breve ao que acudiron dous coñecidos nomes do ciclismo galego, para seguir espallando a semente desta proba. Por unha banda estivo Gustavo César Veloso, o único galego que subiu o Mirador de Ézaro en proba oficial, concretamente na Volta a España 2012. Está considerado como o ciclista máis en forma da rexión é estes momentos. Por outra banda, tamén acudiu Evaristo Portela, un mito do deporte das dúas rodas que segue impartiendo leccións como director do Grupo Deportivo Froiz. E para rematar, estivo presente Josechu Roel, director técnico da marcha. O II Desafío do Atlántico disputarase o vindeiro sábado 7 de xuño nas estradas da Costa da Morte. Partirá desde a Praia de Ézaro e finalizará no Mirador de Ézaro, protagonista nas dúas últimas edicións da Volta a España. Nestes momentos conta xa con 231 inscritos e prevese superar con fartura os números de a pasada edición, á cal acudiron máis de 300 ciclistas. Nos próximos días están previstas diversas presentacións nos concellos de Ourense, Lugo, Vigo e Muxía.

Novas relacionadas

• Arrinca o Desafío do Atlántico: “O Mirador do Ézaro é un monumento do ciclismo internacional”.
• 130 ciclistas disfrutaron da beleza das nosas estradas no II Trofeo Luso-Galaico
• Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
• Dumbría, único concello costeiro no Circuito Provincial BTT.
• Aberto o prazo de inscrición para o Desafío del Atlántico.
• Dumbría subiuse á bici de montaña.
• Un 2014 sen Vuelta pero cun gran Desafío del Atlántico.
• Carnota pensa na II Carreira Viquinga e a III Ruta BTT para a Semana Santa.
• A tregua meteorolóxica permitiu un espectáculo de primeira no Ciclocross de Dumbría.
• 2013: Volta a España con Final na Fin do Mundo.
• 2013: O tempo non foi Desafío abondo para o pelotón.

Fonte

• Redacción de QPC ([email protected]).
• Desafío del Atlántico.