Nace o "proxecto Surf na Escola", promovido pola Federación Galega de Surf, que se celebra na praia de Razo o martes 22 de xuño. A idea consiste nunha tarde de clases gratuítas de surf para rapaces e rapazas de 8 a 14 anos, que acodirán á praia carballesa para aprender da man dos malpicáns Silfo Surf Camps & Escuela e dos carballeses de Razo Artsurfcamp.

Así, o mesmo martes haberá unha xornada de portas abertas gratuíta "para un curso de bautismo de surf" dirixido a rapaces e rapazas do municipio que poderán desfrutar de clases de balde durante toda a tarde.

A presentación tivo lugar onte no Concello de Carballo, no que participaron o Alcalde en funcións, Evencio Ferrero; o Concelleiro de Deporte en funcións, Marcos Trigo; o presidente da Federación Galega de Surf, José Rodríguez Hierro; e Pablo Rodríguez e Manuel Alonso, representantes de Teiron.

Maior aproveitamento dos recursos

Juan José Rodríguez Hierro, Presidente da Federación Galega de Surf, entidade promotora da iniciativa, explica que o obxectivo desta actividade é o de potenciar un deporte que conta en Carballo cun enorme potencial debido á presenza da praia de Razo e que "está desaproveitado". Para Rodríguez, en toda a Costa da Morte, o surf "é unha mina que aínda non se explotou", polo que iniciativas como Surf na Escola serven para "darlle a posibilidade de surfear á xente".

Dende Artsurfcamp, Pablo Rodríguez explica que na escola poden pasar arredor de 1.000 persoas ao longo de todo o verán polas instalacións de Razo, e destas persoas tan só un 5 por cento son do municipio. Para Rodríguez, Razo é unha praia ideal para a práctica do surf coñecida a nivel galego e nacional coa vantaxe de que "pais, nais, nenos e nenas que veñen de sitios como Madrid ou Barcelona levan sempren un bo recordo". Por iso, colaborando con estas iniciativas, esperan "animar á práctica do surf nas escolas tanto en verán como en inverno".

Inscrición

O único que teñen que facer para poder asistir é inscribirse antes do 17 de xuño no Padroado Deportivo Municipal.

Máis información

• Concello de Carballo: Presentación do proxecto Surf na Escola.
• Silfo Surf Camps.
• Art Surf Camp.

Novas relacionadas

• 5 colexios de Cee e Camariñas pecharán cunha regata a campaña “O Mar na Escola” de vela.
• A Costa da Morte afía o vento para a I Travesía de Kitesurf.
• A música e o surf mestúranse no Sereas e Piratas de Razo.
• En Malpica o surf tamén recolle o lixo.
• A Costa da Morte, o epicentro do surf da península.

Máis novas surfeiras

• O pequeno bergantiñán que surfea con 7 anos.
• Malpica convírtese no epicentro do surf do país.
• Unha curta de surf e Man.
• I Caldeirada Surf: O surf integrado en Malpica.
• Surfeando na praia de Soesto.
• O surf chega a Malpica .

Fonte e máis información

• Concello de Carballo.