Fin de semana do 21 e 22 de abril con moito #futboldacosta. Nunha xornada na que o comezo da Copa da Costa fixo os seus estragos como se pode comprobar con algunha goleada que outra.
E comezamos a crónica da xornada precisamente pola Copa, na que só o Fisterra sentenciou o pase ante o Montelouro. Camariñas e San Lorenzo encarrilaron a eliminatoria con sendas vitorias fóra de casa ante Outes e Mazaricos e o Baio trae un 1-1 ao Platas Reinoso dende Esteiro.

Continuamos pola Preferente, onde os nosos acadaron resultados dispares: 1 vitorias, 1 empate e 2 derrotas. O Santa Comba que cae ao 5º posto e que ademais fai fraco favor aos veciños deixando marchar os 3 puntos cara Viveiro. O Xallas caía sen sorte ante un Santiago que recurta, e o Soneira non pasou do empate ante O Val. Deste xeito, nin Dumbría, nin Xallas nin Soneira poden despistarse.
O derbi da 1ª rematou como se esperaba, cunha clara vitoria do Ponteceso ante un Cee que xa desexa o final desta agonía.

Na Liga da Costa, continúa moi igualada a loita pola 3ª e 4ª praza. Hoxe o Corme métese 3º tralo tropezo do Malpica ante o Zas, un empate que ademais aos zaenses lle sabe a gloria trala derrota do Nantón ante o Camariñas, nun choque intenso que acabou co cadro local pedindo a hora ante a case remontada dos cabaneses. Os de Pepucho seguen 2º cunha cómoda vantaxe sobre o Corme. Así, por abaixo, parece que o Nantón afunde máis e máis e queda a 4 puntos do Zas. Outros como Castriz (que sorprendeu en Baio), ou Buño, xa poden respirar tranquilos.
Mañá faremos un repaso ao acontecido o sábado en Lombáns, i é que o corcubionés Sebas saíu cun forte golpe na fronte e tivo que vivir un auténtico periplo para ser traladado á Coruña en Ambulancia para ser operado. Parece que os recortes chegan ao fútbol.

A xornada na 3ª tiña o foco no Volantes-Montelouro, derbi muradán que rematou cun sorpredente 5-1 a favor dos de Baño que os meten xa 4º. Ademais, por arriba, Carnota e Outes non decaen e manteñen o ritmo, por diante dun Cabana que case ten asegurada a Liguilla e que agarda un tropezo dos de arriba.

En Xuvenís, o Malpica escapa, quedando Baio e Cee empatados 4 puntos por detrás. Os baieses seguen desafiando o potencial do Cee, que sacou un empate do Conco anteun Dumbría B que está a 3 puntos de baieses e ceenses e que non di adeus á Fase.
Ademais, comezaba a Copa Xuvenil nos que o Mazaricos e o Ponteceso case que sentenciaban o pase a semis.

En Cadetes xa temos campión. O Dumbría empataba co Cee e sácalle 6 puntos ao Santa Comba a falta de 3 xornadas pero os xalleiros teñen que descansar. Así e todo parece que ambos serán os que participen na Fase de Ascenso á Liga Galega
E parece que a Liga Infantil tamén vai quedar no Conco trala derrota do Cabana, tocado do partido entre ambos da semana pasada, que caía co Cee 3-5.
E aquí hai que facer mención á Esteirana Perruquería Koletas, que xogará as semifinais do Campionato Provincial de Fútbol sala tras superara nada menos que ao Autos Lobelle, facendo boa a renda de 3 goles da ida.

E non quedamos sen falar dos Veteranos, onde o Castriz sentenciou a Liga e se proclamou Campión de 1ª División tras vencer ao Bergantiños e aproveitar a xornada de descanso do San Román.

Preferente, xornada 33

1ª Autonómica, xornada 31

2ª Autonómica, xornada 31

13ª Autonómica, xornada 35

Copa da Costa, ida da previa

Liguilla Previa á Fase de Ascenso á Liga Galega Xuvenil, xornada 11

Copa da Costa Xuvenil, Cuartos

2ª Cadete, xornada 31

2ª Infantil, xornada 31

Ligas de Veteranos, xornada 29

1ª División

2ª División

Máis información

• www.futboldacosta.com.
• Cadros da Copa da Costa 2012 de maiores e xuvenís.

Crónicas da semana

• Moitas novidades no #futboldacosta e un denso parte de sancións.
• Fases Xuvenís: O Baio métese de novo na loita e comezan os cuartos da Copa.
• 3ª Autonómica: Seguen abertas as dúas loitas tras unha semana de movementos.
• 2ª Autonómica: O Club do Mar xa celebra o ascenso mentres Zas e Nantón loitarán pola permancia.
• 1ª Autonómica: Nova semana para esquecer antes do derbi.
• Preferente: Toca sufrir a pesar dos bos resultados.
• Touripartido en Mazaricos.
• Resultados da xornada no #futboldacosta con novidades importantes.

Máis novas

• Un Mar de Paixón: Un proxecto…, xa traxecto.
• Alberto Pose: Unha por toda a familia futboleira da Serra de Outes.
• O fútbol na Costa da Morte, un mar de paixón.
• QPC MOTOR: Entrevista de David Castro con Dani Carracedo.
• A Esteirana Cadete abre o camiño para conquistar o título provincial de FS.
• O Distribuciones Barral sentencia unha nova Liga de Fútbol Sala de Cee.
• Entrevista de David Castro co internacional Santi Canedo.
• Xa temos cadro da Copa da Costa 2012.
• Vídeo entrevista de Anxo Garrido coa vimiancesa Ana Mouzo.
• A Federación decide os ascensos e a Asociación de Clubes dá novos pasos.

Fonte

• Redacción de Deportes de QPC (deportes@quepasanacosta.gal).