Nova xornada das Ligas da Costa xusto antes do parón de Semana Santa. Un parón que non será tal cos maratóns organizados e mais coa Previa da Copa da Costa 2013.

Pero analizamos esta xornada do #futboldacosta dende arriba e con sabor a derbi. E pouco que contar da Preferente, con dous empates sen goles, en dous partidos importantes que quedaron en nada. O XSC aguantou a todo un líder, o Grixoa, pero o empate só lle vale para ver como escapan os de arriba, quedando xa a 8 puntos da 4ª praza. O Soneira e o Dumbría asinaban unhas táboas cantadas que os deixan con 3 puntos de diferencia na 9ª e 6ª praza. Así e todo, cómpre salientar que os tres van rematar nunha comodísima posición facendo unha gran campaña.

Na 1ª tamén había derbi que tamén se saldou con empate, para non variar. Un cómodo Malpica aguantou as embestidas dun necesitado Ponteceso para rubricar un empate bastante xusto. A xornada deparaba unha dura derrota do Fisterra na casa ante o Bertamiráns B e unha grandísima vitoria, a do Camariñas no campo do pechacancelas, ao que afunde definitivamente e saca ao Camariñas por diante de fisterráns e pontecesáns. Quedan os de Nacho na perigosa 15ª praza, a un só punto do descenso pero sen demasiado perigo dos arrastres.

A xornada na 2ª deixa ao Cee e ao Baio un pouco máis cerca do líder. A Esteirana non pasaba do empate en Xaviña ante o Buño e ceenses e baieses, que vencían pola mínima a San Lorenzo e Cabana, quedan a 4 puntos.
Por abaixo, derrotas de case todos, menos do non esquecido Dumbría B, que sumaba a súa 3ª vitoria da tempada ante un Corcubión convulso nos despachos. Cabana e Mazaricos caían ante Baio e Castriz e seguen en posicións comprometidas, unha vez que os arrastres da 1ª si que poden provocar un ou dous postos máis de descenso. Pero non poden despistarse nin Outes, que víu como se lle escapaban os 3 puntos co Zas nos últimos instantes, nin Volantes, que asinaban unhas sosas táboas nun ateigado Miraflores no derbi da xornada na Liga da Costa.

En 3ª, os tres de arriba non fallaron. 6 puntos seguen separando ao IDC de Porteño e Camelle. Os carballeses solventaban onte unha complicada papeleta ante o Ameixenda, mentres que Porteño e Camelle vencían, con bastante dificultade, a Muxía e Castrelo.
Na loita pola promoción, o Soneira B e o Cerqueda deron un paso adiante, superando ao Coristanco. A derrota do Ameixenda déixao a 3 dos malpicáns, e fai que o Laxe se poña a 1 só punto desa devezada 6ª praza, tras endosar un set ao Xaviña. O partido máis importante se cadra foi a vitoria dun Lira totalmente recuperado para a loita cas últimas fichaxes, ante o Baíñas. Unha derrota dolorosa para os de Pato que vén como perden unha ocasión de quedar a 2 puntos da promoción e eliminar un rival. Agora o Lira queda a 3 do Ameixenda e o Baíñas dous abaixo dos lirachos.

Rematou a segunda fase da Liga Xuvenil e mais a primeira da Copa. Cun remate totalmente insulso, pois todo estaba decidido. Cabana e XSC serán os que nos representen na Fase de Ascenso Xuvenil, e Muros (ten un punto de sanción e malia acabar por diante do Muxía queda fóra) e Soneira son os únicos equipos que non estarán no bombo dos Oitavos de Copa tras unha competición falta de competitividade. Estaremos atentos pois este luns 25 de marzo terá lugar o sorteo dos Oitavos da Copa da Costa Xuvenil. Coma sempre, reunión ás 20:00h en Baio.

E moi boa xornada para os Cadetes do Dumbría de Liga Galega. Os de Lobelos e Leis vencían ao Imperator con solvencia por 1-4 e aproveitaban para cazar na 3ª praza ao Ural que caía ante o Lugo.

E importante a xornada nos Veteranos, xa que o Soneira, a pesar do seu empate en Coristanco, mantén a distancoa de 5 puntos sobre o Castriz, que tamén empataba no outro partidazo da xornada ante o Cabana, que queda a 3 dos xalleiros.
Mentres, en 2ª División, tamén a falta de 3 xornadas, Corcoesto e Laxe manteñen unha gran loita aberta pola 2ª praza de ascenso, unha vez que o Muros, malia empatar, manten unha vantaxe de 5 e 6 puntos sobre eles.

Preferente, xornada 30

1ª Autonómica, xornada 28

2ª Autonómica, xornada 28

3ª Autonómica, xornada 28

• Descansa Alcaián.
• Nantón-Fisterra B (2-0) por retirada do filial fisterrán.
• O xoves 28 de marzo xógase o partido aprazado da x.22 entre Nantón e Laxe.

Liguilla Previa á Fase de Ascenso á Liga Galega Xuvenil, xornada 10

Liga Previa da Copa da Costa, Gr.1, xornada 10

Liga Previa da Copa da Costa, Gr.2, xornada 10

Liga Galega Cadete, xornada 26

Liga Galega Infantil, Play Off polo Título, xornada 7

Liga Galega Infantil, Play Off polo Descenso Gr. B, xornada 7

1ª Cadete, xornada 20

1ª Infantil, xornada 24

• Descansa Corme.

Ligas de Veteranos, xornada 27

1ª División

2ª División

• Descansa Cerqueda.

Partidos aprazados en Semana Santa

Máis información

• www.futboldacosta.com.
• Cadro da Copa da Costa 2013.

Artigos relacionados

• A Organización da Liga Intermunicipios de Bergantiños dá a súa visión.
• Semanas de Maratóns.
• Alberto Pose: Xa está de volta a Champions League do fútbol modesto.

Crónicas da semana

• Novo parte de sancións.
• Xuvenís: Todo case decidido en dúas competicións sen competencia.
• 3ª Autonómica: O IDC escapa e o Soneira B mete un pé na Promoción.
• 2ª Autonómica: A Esteirana faise máis líder a pesar do empate.
• 1ª Autonómica: 3 derrotas preocupantes.
• Preferente: Quedamos en terra de ninguén.
• Resultados e análise da xornada no #futboldacosta.
• Xa temos cadro da Copa da Costa 2013.

Fonte

• Redacción de Deportes de QPC (deportes@quepasanacosta.gal).