Volve o fútbol da Costa tras este partón invernal e esperemos seguir vendo os campos así de cheos. Parón que servíu para recuperar folgos, recuperar futbolistas e facer unha minipretemporada para afrontar a segunda parte da campaña. Pero tamén servíu paramover fichas.

Así, apuntamos algún que outro movementos no fútbol costeiro. Manolo Corredoiro volve ao Zas e colle o relevo de Felipe Solís. Ademais, despois da dimisión de Severino como adestrador dos xuvenís, colle o equipo César, en colaboración co propio Corredoira.
Entrementres, a SCD Malpica incorporou oficialmente ao dianteiro Tato, que o ano pasado militou no Atlético Arteixo.

Xa no tocante á xornada destes 7 e 8 de xaneiro de 2012, comezamos a previa pola Preferente. Importante enfrontamento directo entre Santa Comba e Soneira, que servirá para pulsar os estados destes dous equipos en diferentes situacións; un cadro laranxa que busca seguir arriba, e un Soneira que quere afastarse do pozo.
Ademais, o Dumbría visita o campo do 5º, o Boiro, e o Xallas o do Unión.

Na 1ª, o exilio do Cee en Ara Solis obriga aos xuvenís fisterráns a adiantar o seu encontro co Corcubión para o venres. Os de Llanero reciben ao Imperátor nun choque directo e coa imperante necesidade de gañar aos coruñeses para deixalos a tan só 1 punto de distancia. Pola súa banda, o Ponteceso, que non se pode despistar, visita a un Estudiantil na zona morna.

O ano na Liga da Costa comeza con dous choques na xornada sabatina. O Fisterra recibe ao San Lorenzo, choque no que os locais buscarán seguir detrás do dúa de líderes, e os de Verdillo precisan punturar para saír do descenso. Ademais, a tarde do sábado tamén terá protagonismo o choque do co líder, Club do Mar ante o Nantón. Xa o domingo, o Camariñas buscará repetir ou mellorar o resultado dos caioneses ante o pechacancelas, O Pindo.
A xornada ten outros puntos de interese, como a proba de Corredoira a fronte do Zas no Conco ante o Dumbría B, que de perder pode meterse en zona de perigo. Pero o que pode considerarse o partido da semana vai ser ese derbi muradán entre Esteirana e Muros, que de seguro encherá o Xosé Vara Oliveira.

Na 3ª, o 2012 comeza quente. O sábado xa temos un Porteño-Carnota que medirá se o cadro camariñán se alonxa case que definitivamente da loita, mentres que os de Alfredo Cambeiro buscarán manter a 2ª praza e achegarse ao líder. Un Cabana que tamén xoga o sábado ante o Volantes, noutro dos partidos da semana, pois enfronta ao 1º contra o 7º. Nesa loita polas 6 primeiras prazas, tamén haberá que estar atentos ao Cerqueda (6º) - Fisterra B (10º pero só a 2 puntos). Ademais, Outes, Coristanco e Montelouro terán encontros, a priori, sinxelos.

As curtas Ligas Xuvenís afrontan xa o seu treito final con tan só 4 xornadas para o seu remate, coa loita por meterse entre os 4 primeiros como principal atractivo. Polo sur, o Cee, líder destacado e xa clasificado para a fase de ascenso, medirase ao Outes, que mantén a 3ª praza pero só con 2 puntos sobre o 5º, o Soneira. Os soneiráns, que se miden ao pechacancelas Muros, están empatados co Santa Comba, que o terá algo máis complicado ante o Mazaricos. Ademais o Fisterra, 2º, terá un encontro, o venres, de rivalidade ante o Corcubión (ollo que de gañar aínda se pode meter na loita).
Polo norte a cousa está parella. O Malpica buscará seguir coa súa pegada ante un Ponteceso que precisa gañar para non descolgarse da 4ª praza. É o Baio o que a ten nestes intres, pero os de Nacho terán un choque directo ante o Camariñas, 3º con 4 puntos sobre Baio e 5 sobre Ponteceso. Ademais, o Dumbría B enfrontarase a un Cabana descartado.

A 2ª Cadete segue dominada polo Dumbría, que recibirá ao Soneira, 5º, a 13 puntos. 2º a 6 do líder, está o Santa Comba, que sen enfrontará ao Porteño, mentres que Cee e Esteirana, aínda con opcións, terán "derbis" ante Fisterra e Muros.
Ademais, en Infantís, Cabana e Dumbría seguen a súa loita fraticida á fronte da clasificación, cun Cee a tan só dous puntos. Os tres terán encontros que deberán solventar con vitoria.

E no tocante ás Ligas de Veteranos, tan só se disputan 3 encontros aprazados no seu día.

Preferente, xornada 18

1ª Autonómica, xornada 17

2ª Autonómica, xornada 17

3ª Autonómica, xornada 21

Liga Nacional Xuvenil, xornada 16

Liga Xuvenil Sur, Gr.3, xornada 15

Liga Xuvenil Norte, Gr.4, xornada 19

División de Honra Cadete, xornada 16

2ª Cadete, xornada 17

2ª Infantil, xornada 17

Ligas de Veteranos

Partidos atrasados

Máis información

• Resultados e clasificacións 2011/2012.

Máis novas

• Aberta a convocatoria de axudas para os clubes e agrupacións deportivas.
• Alberto Pose analiza a primeira volta da 3ª Autonómica.
• O poder dos Miúdos.
• Vídeo entrevista de Anxo Garrido co colexiado Marcos Ordóñez.
• Vídeo entrevista co muradán Seluco.
• A Bitacora da Semana: O blog da S.D. Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista de Ángel Garrido a Alberto Pose.
• Vídeo entrevista a Manolo Varela por Angel Garrido.
• Vimianzo lembrou a Martín Pena.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).