División de Honra Cadete: Terceiro tropezón dumbriés consecutivo

Deportes Dumbría Fútbol da Costa

División de Honra Cadete: Terceiro tropezón dumbriés consecutivo

10:59 14/01/14

Rachon foi un dos goleadores do Dumbria-Foto-Jorge Parri

Mañá asollada no Conco (Dumbría) para ver un bo partido de futbol da División de Honra Cadete. O equipo de Juan Porrúa viña de sufrir dous tropezóns seguidos, un logo de empatar en casa a 3 tras empezar gañando 3-0 fronte ao Vitoria e outra tras caer derrotado fronte ao Coruxo por 2-1. Así que querían volver á senda da vitoria, pero unha vez máis non puido ser xa que empataban a 2 tras empezar gañando 2-0. Aínda así, o que están facendo estes rapaces é digno de admirar.

División de Honra Cadete, xornada 17

11 do Dumbria ante o Lalin-Foto-Jorge Parri

Resultado: Dumbría - Lalín (2-2)
DUMBRÍA: Gabriel, Pablo, Miguel, Jose, Kanario, Samuel, Isma, Mauro (Adrián, min.78), Juan de Dora (Luis, min.62), Edu (Abuelo, min.72), Rachón (Borja, min.48).
Goles: 1-0, min.8: Rachón; 2-0, min.37: Rachón; 2-1, min.42: Adrián; 2-2, min.72: Brais.

Empezaba o partido no Conco e os Dumbrieses querían esa vitoria que lle dese a posibilidade de afastarse da súa perseguidor que non era outro que o Lalín, o peso do xogo leváballo o Dumbría e as ocasións máis claras chegaban das botas dos xogadores de Juan Porrúa e Joaquín, así era que ao pouco de comezar o encontro un inspirado Rachón adiantaba ao Dumbría. Tralo primeiro gol o Lalín quixo meterse no partido e conseguíao por momentos, pero acabando a primeira parte outro gol de Rachón desde fóra do área cun pouco de fortuna poñería o 2-0 co que se chegaría ao descanso. Xa na segunda parte o Lalín veuse arriba e aos 2 minutos acurtaría distancias e empezaría a coller o mando do encontro, aínda que os dumbrieses seguían chegando a portería contraría con ocasións claras que non serían capaces de materializar. O Lalín dominaba o xogo no centro do campo e algunha ocasión clara tamén terían, pero unha grandísima actuación durante todo do encontro do porteiro Dumbriés desfacíaas con grandes paradas. O Dumbría quería pero non podía e ao pouco de terminar o encontro o Lalín empataría o encontro e levaríase un punto moi loitado do Conco. Así agora o Lalín métese a un só punto de distancia do Dumbría que nestes momentos é 6º, o Dumbría con 27 puntos e Lalín con 26. Este sábado o Dumbría enfrontarase no Conco fronte ao Lugo que és 5º clasificado, 1 punto por encima dos dumbrieses. (Sábado ás 16h no Conco).