Os campións da MiniCopa da Costa
Se mañá coñeceremos o novo Mundialiño de Cee, hoxe repasamos o acontecido na mini Copa da Costa así como o Memoria Andújar de Dumbría.
Primeira Mini Copa da Costa
Tiveron o seu momento de gloria os máis pequenos da bisbarra na gran Festa do Fútbol da Costa. No descanso da final saltaron ao campo os campións da primeira edición da Copa da Costa en benxamíns e alevíns de fútbol 8. Houbo algunha queixa dos pais, pois algúns dos equipos estaban disputando precisamente o Memorial Andújar e non puideron estar, e porque os pais tiveron que pagar a entrada da finalísima.
En alevíns o campión foi o equipo de Vimianzo, tras vencer 3-1 na final ao Cabana, sumando un novo título aos xa acadados de Campión de Liga de Fútbol 8, Campión de Liga de Fútbol Sala Costa da Morte, Campión Intercomarcal de Fútbol Sala e Subcampión Provincial de Fútbol Sala. Aí é nada o temporadón dos de Paco.
Mentres foron os benxamíns do UC Cee os campións desta primeira Copa tras vencer ao Outes por un apretado 1-0.
Moito máis que fútbol en Dumbría
Toda unha referencia xa este "III Memorial Manolo Andujar". Pequenos de toda a provincia xuntáronse no Conco para disputar o torneo, participando nada menos que 20 equipos das categorías Prebenxamin, Benxamin e Alevin: CF Dumbría (Prebenx, Benx e Alev), Victoria CF (Benx e Alev), Sp. Coruñés (Benx e Alev), Platges de Calvia (Mallorca) (Benx), AD Parameán (Alev), SD Fisterra (Prebenx, Benx e Alev), UC Cee (Prebenx, Benx e Alev), Outes CF (Prebenx, Benx e Alev), Rácing San Pedro (Benx e Alev).
Moita xente no campo dumbriés para ver aos cativos, sendo protagonistas os fisterráns, que quedaron subcampións nas tres finais. Nos máis pequenos, os prebenxamíns, caían nos penaltis co Dumbría; en Benxamíns eran os mallorquíns do Platges de Calvia os que vencía con claridade, ao igual que o Sporting Coruñés de Alevíns.
A festa continuou nas excelentes instalacións do Conco.
Crónicas da semana
- O Xallas de Santa Comba, campión da 50 edición da Copa da Costa.
- Carnota e Muros viviron grandes e emotivos torneos.
Torneos
Artigos relacionados
- Alberto Pose: A miña homenaxe a un deses Presidentes que fan grandes o fútbol da Costa.
- Xosé María Lema Suárez: O ascenso, a celebración ideal do cincuentenario do C.D. Baio.
- Videoentrevista de Anxo Garrido con dous cadetes dumbrieses a piques de facer historia.
Novas relacionadas
- Os clubes de fútbol teñen ata o 30 de xuño para enviar as inscricións na tempada 2013/2014.
- A Gala do Fútbol da Costa xa ten convocados e xogarase probablemente en Outes.
- Os equipos costeiros de Preferente e 1ª non terán descanso pola Copa Deputación.
- Xa temos nominados para os Premios do Fútbol da Costa.
- 50 anos da Copa da Costa cos Oliver e Benji do Ghañan Style.
Fonte
- Redacción de QPC Deportes ([email protected]).
